Ресейліктер - Sputnik Қазақстан, 1920, 28.02.2022
Ресейдің Украинадағы арнайы әскери операциясы

Украинада АЭС маңындағы өрт сөндірілді – станцияға зақым келген жоқ

© Sputnik / Сергей Старостенко / Фотобанкке өтуқауіпті аймақ
қауіпті аймақ - Sputnik Қазақстан, 1920, 04.03.2022
Жазылу
Yandex newsTelegram
Украинаның төтенше жағдайлар қызметі Запорожьдегі АЭС маңында бес қабатты ғимарат өртеніп жатқанын хабарлады
НҰР-СҰЛТАН, 4 наурыз – Sputnik. Запорожье атом электр станциясының жанында оқу-жаттығу корпусының бесқабатты ғимараты өртке оранды.
Тілсіз жау үш қабатты шарпыды, деп хабарлады Украинаның төтенше жағдайлар жөніндегі мемлекеттік қызметі.
Атом электр станциясының негізгі тораптарына зақым келген жоқ.
Запорожье атом электр станциясының жанындағы өрт туралы ақпарат 4 наурызға қараған түні тарады.
"Оқу-жаттығу кешеніне қарасты құрылыс нысандарының бірі әлі де өртеніп жатыр. Өрт 3-ші, 4-ші және 5-ші қабатқа тарады", - делінген ТЖМК-ның сағат 4:00-дегі (Нұр-Сұлтан уақытғы бойынша 8:00-дегі) ресми хабарламасында.
Ресми мәліметке сәйкес, Запорожье атом электр станциясында алты энергетикалық блоктың біреуі ғана жұмыс істеп тұр. Өрт сөндірушілер өз жұмысына кірісті.
Украинаның ядролық және радиациялық қауіпсіздік жөніндегі бас мемлекеттік инспекторының міндетін атқарушы Олек Кориковтың айтуынша, Запорожье атом электр станциясында жеті ядролық қондырғы, алты энергетикалық блок пен ядролық қойма бар.
"Бұған дейін бірінші энергетикалық блок жөндеу жұмыстарына байланысты тоқтатылған болатын. Екінші және үшінші блоктар да тоқтатылды. 4-інші блок істеп тұр. Ал бесінші, алтыншы блоктар резевте, екеуіне де қауіп төніп тұрған жоқ", - деді Кориков "Рада" арнасына берген сұхбатында.
Ал АЭС-тың баспасөз қызметі радиациялық фонның бұзылмағанын хабарлады. Атом энергетикасы жөніндегі халықаралық агенттікке тиісті ақпарат берілді.
"Украина МАГАТЭ-ға өрттің Запорожье атом электр станциясының негізгі қондырғыларына зақым тигізбегенін хабарлады. Станция ұжымы өрт салдарын барынша азайтуға күш салып жатыр", - делінген халықаралық агенттіктің мәлімдемесінде.
Бүгін сағат 5.55 (Нұр-Сұлтан уақыты бойынша 9:55-те) Запорожье атом электр станциясының оқу-жаттығу корпусындағы өрт сөндірілді.
Зардап шеккен және қайтыс болған адамдар жоқ.
Жаңалықтар
0