Қоғам

Премьер-министр журналистер сұрағына жауап бере алмайтын шенеуніктерді сынады

© Sputnik / Владислав ВодневЖурналистер, микрофон
Журналистер, микрофон - Sputnik Қазақстан, 1920, 22.02.2022
Жазылу
Смайылов үкімет мүшелері журналистермен тығыз байланыста болуы қажет екенін айтты
НҰР-СҰЛТАН, 22 ақпан – Sputnik. Премьер-министр Әлихан Смайылов үкімет мүшелеріне қоғамға ашық болуды тапсырды, деп хабарлайды Sputnik Қазақстан тілшісі.
Үкімет басшысы өткен аптада денсаулық сақтау министрі орынбасарының қатысуымен брифинг өткенін еске салды. Шара барысында вице-министр БАҚ өкілдерінің сауалдарына жауап бере алмаған.
"Денсаулық сақтау вице-министрінің журналистердің сұрақтарына нақты жауап бере алмағаны өкінішті. Ажар Ғиниятқызы (денсаулық сақтау министрі – Sputnik), осыған назар аударуыңызды сұраймын. Мұндай жағдайлар үкіметтің жұмысына кері әсерін тигізеді. Үкімет мүшелеріне журналистермен тығыз байланыста болуды тапсырамын. Біз қоғамға ашық болуымыз қажет", - деді Смайылов үкімет отырысында.
Первый вице-премьер - министр финансов Алихан Смаилов - Sputnik Қазақстан
Әлихан Смайылов
ҚР премьер-министрі
Премьер әрбір қабылданған шешімді дұрыс түсіндіру, қоғаммен ақылдаса отырып қабылдау – үкіметтің негізгі міндеті екенін атап өтті.

Денсаулық вице-министрінің жауабы

Бұған дейін журналистер денсаулық вице-министріне "Қырғызстан, Өзбекстан және Түркия азаматтары Pfizer-ді ақылы түрде салдыра алады, ал қазақстандықтар үшін бұл неге қолжетімді емес" деген сауал қойды. Жандос Бүркітбаев осы мәселені түсіндіруге тырысты.
Оның айтуынша, Pfizer компаниясы ақылы вакцинация кезінде вакцинаны алып сату жайттары болады деп есептейді. Сондықтан компания мен Қазақстан арасындағы келісімшартта ақылы вакцинацияға тыйым салынған.
Журналистер денсаулық сақтау министрлігінің өкілінен компания Қазақстанға неліктен мұндай ерекше талап қойып отырғанын нақтылады. Өйткені басқа елдерде бұл марканың вакцинасы ақылы түрде де салынады.
Жандос Бүркітбаев бұл елдерге Pfizer гуманитарлық көмек аясында жеткізілгенін айтты. Вице-министр америкалық компаниядан жазбаша жауап алғаннан кейін вакцинаны Қазақстанда неге ақылы түрде салдыруға болмайтынын хабарлауға уәде берді.
Айта кетері, Pfizer вакцинасы бүгінде 12 жастан 18 жасқа дейінгі жастарға, жүкті және бала емізетін әйелдерге егіледі. Бұған қоса, жуырда 60 жастан асқан егде азаматтарға да осы препаратты егу мүмкіндігі берілді.
Руководитель администрации президента Ерлан Кошанов - Sputnik Қазақстан, 1920, 16.02.2022
Қоғам
Мәжілістің жаңа спикері журналистермен тілдеспей кетіп қалды
Жаңалықтар
0