Қоғам

Оралда парамен ұсталған бас полицейдің орынбасары ауруханаға түсті

© Sputnik / Абзал Калиевдәрі-дәрмек
дәрі-дәрмек - Sputnik Қазақстан, 1920, 21.02.2022
Жазылу
Ол қан қысымы көтеріліп төрт күн ауруханада жатып шыққан
НҰР-СҰЛТАН, 21 ақпан – Sputnik. Орал қаласында парамен ұсталған полиция басқармасы басшысының орынбасары Эдик Болатов төрт күннен кейін ауруханаға түсті, деп хабарлайды "Мой город" порталы.
4 ақпанда Болатов пара алған жерінде ұсталған болатын. Сол кезде облыстық полиция департаменті оған қатысты Қылмыстық кодекстің 366-бабы (Пара алу) бойынша айып тағылғанын хабарлады. Кейін полиция басқармасы басшысының орынбасары ауруханаға түсті деген ақпарат шықты.
Журналистер осы мәселеге қатысты қылмыстық-атқару жүйесі комитетінің Батыс Қазақстан облыстық департаментіне сауал жолдады. Департамент бастығы Азамат Ізтілеуов ол ақпаратты растады.
Оның айтуынша, 5 ақпанда Эдик Болатов уақытша ұстау изоляторынан тергеу абақтысына ауыстырылды. Ал 8 ақпанда ауруханаға жеткізілді.
"Ол 8-11 ақпан аралығында "артериялық гипертензияның үшінші дәрежесі" деген диагнозбен Орал қаласының көпсалалық ауруханасында жатып шықты", - деді Ізтілеуов.
Қазіргі кезде күдіктінің жағдайы жақсарды.
Жаңалықтар
0