Саясат

Жаңа партияларды тіркеуге кедергі жасамаймыз – әділет министрі

© Photo : Служба центральных коммуникацийҚанат Мусин
Қанат Мусин - Sputnik Қазақстан, 1920, 20.02.2022
Жазылу
НовостиTelegram
Соңғы он жылдың ішінде Қазақстанда бірде-бір жаңа саяси партия тіркелмеген
НҰР-СҰЛТАН, 20 ақпан – Sputnik. Әділет министрі Қанат Мусин жаңа партияларды тіркеу жағынан ешқандай қиындық болмайтынын мәлімдеді.
"Қазақстанда партиялар туралы нақты әрі түсінікті заң бар. Оған сәйкес, саяси бірлестікті тіркеу үшін көп құжаттың қажеті жоқ. Екі-ақ кезеңнен өту керек. Алдымен әділет министрлігіне партияны құру туралы жазбаша хабарлама беріледі. Сондағы барлық мәлімет, жиналған қолдардың саны да мұқият тексеріледі. Әйтпесе, тізімге о дүниелік болып кеткен адамдардың кіріп кету жағдайлары аз емес", - деді Мусин журналистермен болған кездесуде.
Барлық мәлімет дұрыс болған жағдайда министрлік ресми хабарламаны ресми түрде растап, тиісті құжатын береді. Соның негізінде саяси ұйымды тіркеу шаралары басталады. Филиалдарды ұйымдастырып, мүше адамдардың қажетті санын жинауға болады.
"Ал мүшелердің тиісті саны жиналып, филиалдар құрылса, мархабат, тіркелуге рұқсат бар. Бірақ барлық талап орындалуы шарт. Біз ешкімге кедергі жасамаймыз", - деп атап өтті Мусин.
Осы орайда журналистер Қазақстанда көп жыл бойы бірде-бір партияның тіркелмегенін еске салды. Министрдің айтуынша, көп нәрсе саяси бірлестіктерді ұйымдастыратын адамдардың өздеріне байланысты.
"Жоқ жерден сылтау іздемейсің ғой. Алайда нақты себеп болса, кешіріңіз, бұл – заң, ал заң орындалуы қажет", - дейді министр.
Пленарное заседание мажилиса - Sputnik Қазақстан, 1920, 06.05.2020
Қоғам
Қазақстанда жеті бірдей саяси партия тіркеуден өте алмады
Айта кетері, Қазақстанда заң бойынша саяси партияны тіркеу үшін 20 мың қол жинау керек. Бұдан бөлек, елдің әрбір аймағында филиалдар ашылуы шарт. Ал оппозиция ондай талаптарды орындау оңай емес деп отыр. Соңғы он жылдың ішінде Қазақстанда бірде-бір жаңа саяси партия тіркелген жоқ.
Бұған дейін тіркелмеген "Ел Тiрегi" партиясының жетекшісі Нұржан Әлтаев әділет министрлігінің сан алуан сылтаумен 16 рет өтінішті кері қайтарғанын айтқан. Ал қоғам белсендісі Санжар Боқаев "Namys" атты цифрлық партияның құрылатынын мәлімдеді.
Қазіргі кезде Қазақстанда 6 партия ресми түрде тіркелген. Олардың үшеуі парламентке өтті.
Жаңалықтар
0