https://sputnik.kz/20220218/fleshka-qazaqstandyq-bank-47-mln-tenge-qaryz-22909798.html
Флешкасын жоғалтып алған: қазақстандық банкке 47 млн теңге қарыз екенін білді
Флешкасын жоғалтып алған: қазақстандық банкке 47 млн теңге қарыз екенін білді
Sputnik Қазақстан
Қазір құқық қорғау органдары алаяқтық схемасын кім ұйымдастырғанын анықтап жатыр 18.02.2022, Sputnik Қазақстан
2022-02-18T15:04+0500
2022-02-18T15:04+0500
2022-02-18T15:05+0500
қоғам
банк
қарыз
https://sputnik.kz/img/07e4/0c/0a/15704070_0:0:3001:1688_1920x0_80_0_0_1451406e3b5c4a4069f5d446a86e0411.jpg
НҰР-СҰЛТАН, 18 ақпан – Sputnik. Қызылорданың 50 жастағы тұрғыны Жанабай Махамбетов банктерге 47 миллион теңге берешек болып шықты. Бірақ ер адам кредиттік ұйымдардан өзі барып несие алмаған, деп хабарлайды Sputnik Қазақстан.Былтыр күзде Махамбетов флешкасын жоғалтып алған. Оның ішінде бүкіл жеке құжаты сақталыпты. Соның ішінде электронды цифрлық қолтаңба, шот реквизиттері мен жеке куәлігінің көшірмесі де бар."Флешканың жоғалғанын бірден байқаған жоқпын. Өйткені ол кезде сырқаттанып, әйеліммен ажырасқаннан кейін көңілім құлазып жүрген. Бір күні телефоныма әртүрлі банктен кредитке өтінім бердіңіз деген ондаған хабарлама түсті. Сол кезде "жеке мәліметтер қоймасы" жоғалғанын түсіндім", - дейді Жанабай Қамбарұлы.Алайда Махамбетов бұл хабарламаларға мән бермеген. Банкке өзі барып, несиеге өтінім бермегендіктен, қателік шығар деп ойлаған."Бірақ сол кезде маған біреулер хабарласты. Олар өздерін Қазақстан банктері қауымдастығы киберқауіпсіздік бойынша техникалық бөлім қызметкерлеріміз деп таныстырды. Өтінімді растауға көндіре бастады. Бұл бөтен адамның атынан банктерден кредит алатын алаяқтарды ұстау үшін қажет деп мәлімдеді", - дейді ер адам.Махамбетов ойланып тұрғанда оны қорқыта бастаған."Сен құқық қорғау органдарына көмектесуден бас тартып жатырсың деп қысым көрсетті. Өтінімді растаған соң, банктер кредит береді, ал алаяқтар табылғаннан кейін несиенің бәрі жойылады деп уәде берді", - дейді Махамбетов.Осылайша қызылордалық "қылмыскерлермен күресуге" көмектескен, алайда өзі алаяқтардың құрбаны болды."Артынан кредиттер менің мойнымда қалғанын түсіндім. Өтінімді растағаннан кейін банктер мен микроқаржы ұйымдарынан шотыма ақша түсті. Ал содан кейін ақша үшінші тұлғаларға, тіпті шетелге аударылды. Мен мүлде тиіскен жоқпын. Банктер қауымдастығына телефон шалып едім, олар мен жайлы да, арнайы операция туралы да естімеген", - дейді ол.Қазір Жанабай Махамбетов банктерге 47 миллион теңге қарыз."Мен полицияға арыздандым. Кредит төлеуді талап етіп отырған банктерге де мән-жайды түсіндіріп жаздым. Полиция аса ірі мөлшердегі алаяқтық бойынша іс қозғады. Бірақ еш нәтиже жоқ. Ал банктер үнемі хабарласады. Жалақы картамды бұғаттап тастады, қолымда мүлде ақша жоқ", - деп мұңын шақты қазақстандық.Қызылорда тұрғыны ірі кәсіпорында қатардағы инженер болып істейді. Ай сайын 200 мың теңге табады.
https://sputnik.kz/20220217/klient-kredit-shart-paydaly-kenes-22877179.html
https://sputnik.kz/20220208/kredit-zan-talaptar-22626673.html
Sputnik Қазақстан
media@sputniknews.com
+74956456601
MIA „Rosiya Segodnya“
2022
Sputnik Қазақстан
media@sputniknews.com
+74956456601
MIA „Rosiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rosiya Segodnya“
Sputnik Қазақстан
media@sputniknews.com
+74956456601
MIA „Rosiya Segodnya“
банк, қарыз
Флешкасын жоғалтып алған: қазақстандық банкке 47 млн теңге қарыз екенін білді
15:04 18.02.2022 (жаңартылды: 15:05 18.02.2022) Қазір құқық қорғау органдары алаяқтық схемасын кім ұйымдастырғанын анықтап жатыр
НҰР-СҰЛТАН, 18 ақпан – Sputnik. Қызылорданың 50 жастағы тұрғыны Жанабай Махамбетов банктерге 47 миллион теңге берешек болып шықты. Бірақ ер адам кредиттік ұйымдардан өзі барып несие алмаған, деп хабарлайды
Sputnik Қазақстан. Былтыр күзде Махамбетов флешкасын жоғалтып алған. Оның ішінде бүкіл жеке құжаты сақталыпты. Соның ішінде электронды цифрлық қолтаңба, шот реквизиттері мен жеке куәлігінің көшірмесі де бар.
"Флешканың жоғалғанын бірден байқаған жоқпын. Өйткені ол кезде сырқаттанып, әйеліммен ажырасқаннан кейін көңілім құлазып жүрген. Бір күні телефоныма әртүрлі банктен кредитке өтінім бердіңіз деген ондаған хабарлама түсті. Сол кезде "жеке мәліметтер қоймасы" жоғалғанын түсіндім", - дейді Жанабай Қамбарұлы.
Алайда Махамбетов бұл хабарламаларға мән бермеген. Банкке өзі барып, несиеге өтінім бермегендіктен, қателік шығар деп ойлаған.
"Бірақ сол кезде маған біреулер хабарласты. Олар өздерін Қазақстан банктері қауымдастығы киберқауіпсіздік бойынша техникалық бөлім қызметкерлеріміз деп таныстырды. Өтінімді растауға көндіре бастады. Бұл бөтен адамның атынан банктерден кредит алатын алаяқтарды ұстау үшін қажет деп мәлімдеді", - дейді ер адам.
Махамбетов ойланып тұрғанда оны қорқыта бастаған.
"Сен құқық қорғау органдарына көмектесуден бас тартып жатырсың деп қысым көрсетті. Өтінімді растаған соң, банктер кредит береді, ал алаяқтар табылғаннан кейін несиенің бәрі жойылады деп уәде берді", - дейді Махамбетов.
Осылайша қызылордалық "қылмыскерлермен күресуге" көмектескен, алайда өзі алаяқтардың құрбаны болды.
"Артынан кредиттер менің мойнымда қалғанын түсіндім. Өтінімді растағаннан кейін банктер мен микроқаржы ұйымдарынан шотыма ақша түсті. Ал содан кейін ақша үшінші тұлғаларға, тіпті шетелге аударылды. Мен мүлде тиіскен жоқпын. Банктер қауымдастығына телефон шалып едім, олар мен жайлы да, арнайы операция туралы да естімеген", - дейді ол.
Қазір Жанабай Махамбетов банктерге 47 миллион теңге қарыз.
"Мен полицияға арыздандым. Кредит төлеуді талап етіп отырған банктерге де мән-жайды түсіндіріп жаздым. Полиция аса ірі мөлшердегі алаяқтық бойынша іс қозғады. Бірақ еш нәтиже жоқ. Ал банктер үнемі хабарласады. Жалақы картамды бұғаттап тастады, қолымда мүлде ақша жоқ", - деп мұңын шақты қазақстандық.
Қызылорда тұрғыны ірі кәсіпорында қатардағы инженер болып істейді. Ай сайын 200 мың теңге табады.
