https://sputnik.kz/20220216/zhemqorlyq-khabarlagan-adamdar-zan-22832161.html
Жемқорлық фактілері туралы хабарлаған адамдар заңмен қорғалады
Жемқорлық фактілері туралы хабарлаған адамдар заңмен қорғалады
Sputnik Қазақстан
Заң жобасы мәжілістің жалпы отырысында бірінші оқылымда қаралды 16.02.2022, Sputnik Қазақстан
2022-02-16T10:48+0500
2022-02-16T10:48+0500
2023-08-09T12:44+0500
қоғам
заң
сыбайлас жемқорлық
https://sputnik.kz/img/155/17/1551755_0:264:5896:3581_1920x0_80_0_0_373ed312556d9bf9f6e470ed9efcc940.jpg
НҰР-СҰЛТАН, 16 ақпан – Sputnik. Қазақстанда жемқорлықты әшкерелеуге көмектескен адамдар туралы ақпаратты жария еткені үшін қылмыстық жауаптылық енгізілуі мүмкін. Мұндай норма "Кейбір заңнамалық актілерге сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы" заң жобасында көзделген, деп хабарлайды Sputnik Қазақстан тілшісі. Заң жобасы мәжілістің жалпы отырысында бірінші оқылымда қаралды. Сыбайлас жемқорлыққа қарсы іс-қимыл агенттігінің төрағасы Марат Ахметжанов коррупция фактілері туралы хабарлаған азаматтарды қорғау жүйесі жетілдірілетінін атап өтті. "Бүгінгі таңда мемлекеттік қорғау тетіктері тек қылмыстық процеске қатысатын адамдарға ғана көзделген. Ал жемқорлық туралы хабарлайтын адамдар қылмыстық процеспен қамтылмауы мүмкін. Оған қоса, қорғау шарасы тек зорлық-зомбылық немесе күш қолдану қаупі болған кезде ғана қолданылады. Мысалы, заңнамада мұндай тұлғалардың еңбек құқықтарын қорғау шаралары қаралмаған. Яғни, жұмыс барысында қудалану тәуекелі бар", - деді агенттік төрағасы.Осыған байланысты жемқорлық қылмысын әшкерелеуге жәрдемдескен адамдарды қорғау шаралары қарастырылып отыр. Біріншіден, хабарлаушылардың еңбек қатынастары саласындағы құқықтарын қорғау. Оларға қатысты тәртіптік шара қолдану мәселесі алқа отырысында қаралады. Бұл ретте мұндай шешім әділ және ашық болу үшін отырысқа міндетті түрде отырысқа агенттік өкілі шақырылады. Екіншіден, жемқорлық туралы хабарлаған адам жөніндегі мәлімет құпия сақталады. Ал оны жария еткені үшін қылмыстық жауапкершілік енгізу көзделген. Мәжіліс заң жобасын бірінші оқылымда бірауыздан мақұлдады. Айта кетері, заң жобасында, сондай-ақ, мемлекеттік қызметшілердің негізсіз баюына тосқауыл қоятын нормалар да бар. Мәселен, кірістері мен шығыстары арасындағы айырмашылық 1 000 АЕК-тен (3 млн теңге) асатын мемлекеттік қызметшілерге айыппұл салынады. Ал егер айырмашылық жылдық табыстан асса, олар мемлекеттік қызметтен үш жылға босатылады.
Sputnik Қазақстан
media@sputniknews.com
+74956456601
MIA „Rossiya Segodnya“
2022
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
заң, сыбайлас жемқорлық
Жемқорлық фактілері туралы хабарлаған адамдар заңмен қорғалады
10:48 16.02.2022 (жаңартылды: 12:44 09.08.2023) Заң жобасы мәжілістің жалпы отырысында бірінші оқылымда қаралды
НҰР-СҰЛТАН, 16 ақпан – Sputnik. Қазақстанда жемқорлықты әшкерелеуге көмектескен адамдар туралы ақпаратты жария еткені үшін қылмыстық жауаптылық енгізілуі мүмкін. Мұндай норма "Кейбір заңнамалық актілерге сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы" заң жобасында көзделген, деп хабарлайды
Sputnik Қазақстан тілшісі.
Заң жобасы мәжілістің жалпы отырысында бірінші оқылымда қаралды. Сыбайлас жемқорлыққа қарсы іс-қимыл агенттігінің төрағасы Марат Ахметжанов коррупция фактілері туралы хабарлаған азаматтарды қорғау жүйесі жетілдірілетінін атап өтті.
"Бүгінгі таңда мемлекеттік қорғау тетіктері тек қылмыстық процеске қатысатын адамдарға ғана көзделген. Ал жемқорлық туралы хабарлайтын адамдар қылмыстық процеспен қамтылмауы мүмкін. Оған қоса, қорғау шарасы тек зорлық-зомбылық немесе күш қолдану қаупі болған кезде ғана қолданылады. Мысалы, заңнамада мұндай тұлғалардың еңбек құқықтарын қорғау шаралары қаралмаған. Яғни, жұмыс барысында қудалану тәуекелі бар", - деді агенттік төрағасы.
Осыған байланысты жемқорлық қылмысын әшкерелеуге жәрдемдескен адамдарды қорғау шаралары қарастырылып отыр.
Біріншіден, хабарлаушылардың еңбек қатынастары саласындағы құқықтарын қорғау. Оларға қатысты тәртіптік шара қолдану мәселесі алқа отырысында қаралады. Бұл ретте мұндай шешім әділ және ашық болу үшін отырысқа міндетті түрде отырысқа агенттік өкілі шақырылады.
Екіншіден, жемқорлық туралы хабарлаған адам жөніндегі мәлімет құпия сақталады. Ал оны жария еткені үшін қылмыстық жауапкершілік енгізу көзделген.
"Аталған шаралар әшкерелеуші адамның құқықтарын қорғауға кепілдік береді", - деп сендірді Ахметжанов.
Мәжіліс заң жобасын бірінші оқылымда бірауыздан мақұлдады.
Айта кетері, заң жобасында, сондай-ақ, мемлекеттік қызметшілердің негізсіз баюына тосқауыл қоятын нормалар да бар. Мәселен, кірістері мен шығыстары арасындағы айырмашылық 1 000 АЕК-тен (3 млн теңге) асатын мемлекеттік қызметшілерге айыппұл салынады. Ал егер айырмашылық жылдық табыстан асса, олар мемлекеттік қызметтен үш жылға босатылады.
