Өңірлер

Жамбыл облысы әкімінің жаңа орынбасары тағайындалды

© Photo : Жамбыл облысының әкімдігіНұржан Календеров, Жамбыл облысы әкімінің орынбасары
Нұржан Календеров, Жамбыл облысы әкімінің орынбасары - Sputnik Қазақстан, 1920, 14.02.2022
Жазылу
2020 жылдың маусымнан осы күнге дейін Нұржан Календеров Шу ауданының әкімі болған
НҰР-СҰЛТАН, 14 ақпан – Sputnik. Қазақстан Респубилкасы президенті әкімшілігінің келісіміне сәйкес, Жамбыл облысы әкімінің өкімімен Календеров Нұржан Сәбитұлы Жамбыл облысы әкімінің орынбасары болып тағайындалды.
Календеров Нұржан Сәбитұлы 1976 жылы туған.
Жамбыл жеңіл және тамақ өнеркәсібі технологиялық институтын "халықаралық экономикалық қатынастар" мамандығы бойынша бітірген.
Еңбек жолын 1997 жылы "Арнабол" жауапкершілігі шектеулі серіктестігінің бухгалтері болып бастаған.
Әр жылдары Зейнетақы төлеу жөніндегі мемлекеттік орталығының Тараз қалалық бөлімшесінде аға маман, Жамбыл облыстық бөлімшесінде бас маман, Жамбыл облысы әкімі аппаратының бас маманы, облыс әкімдігінің қаржы басқармасында бөлім бастығы, басқарма басшысының орынбасары, басқарма басшысы болып еңбек еткен.
Сондай-ақ, 2011-2013 жылдары Жамбыл ауданының әкімі, 2013 жылдың маусым-желтоқсан аралығы Қордай ауданының әкімі, 2013-2017 жылдары Тараз қаласының әкімі, 2017-2019 жылдары Жамбыл облысы әкімі аппаратының басшысы, 2019-2020 жылдары облыс әкімінің орынбасары қызметтерін атқарған.
2020 жылғы маусымнан бастап Шу ауданының әкімі болып келді
Жаңалықтар
0