Әлем

Томирис Байсафаның өлімі: іс қайта қаралады

© Instagram / _ahmetova_zhanna_Томирис Байсафа
Томирис Байсафа - Sputnik Қазақстан, 1920, 07.02.2022
Жазылу
2021 жылдың жазында алқабилер Томирис Байсафаның өліміне қатысы бар деген күдікке ілінген Муртузали Меджидовқа ақтау үкімін шығарған болатын
АЛМАТЫ, 7 ақпан – Sputnik. Мәскеудің Измайловский соты 9 ақпанда Мәскеу мемлекеттік халықаралық қатынастар институтының студенті Томирис Байсафаның өлімі бойынша істі қайта қарауды бастайды, деп хабарлады соттың баспасөз қызметі РИА Новостиге.
Бұл қылмыстық іс бойынша Дағыстанның бұрынғы лауазымды шенеунігінің ұлы Муртузали Меджидов қайтадан сот алдында жауап береді.
"Меджидов Муртазали Мухтаровичтің ісі бойынша алдын ала сот отырысы 9 ақпанда өтеді", - делінген ақпаратта.
Бастапқыда бұл істі Мәскеудің Никулин соты қарауы керек еді, бірақ Бас прокуратура материалдарды басқа сотқа жіберуді сұрады. Нәтижесінде Мәскеу қалалық соты Измайловский сотын таңдады.
Бас прокуратура Никулин сотының объективтілігі мен бейтараптығына күмән келтіруі мүмкін жағдайлар туралы хабарлады, бірақ нақты ештеңе айтылмады. Бұған дейін 2021 жылдың жазында алқабилер Томирис Байсафаның өліміне қатысы бар деген күдікке ілінген Дағыстандағы бұрынғы жоғары лауазымды шенеунік Мұхтар Меджидовтың ұлы Муртузали Меджидовқа ақтау үкімін шығарған.
Алайда Мәскеу қалалық соты бұл үкімнің күшін жойып, қылмыстық істі қайтадан қарауға шешім шығарды.

Томирис Байсафаның өлімі

Қайғылы оқиға 2018 жылдың сәуірінде болған. Мәскеу мемлекеттік халықаралық қарым-қатынастар институтында оқыған 21 жастағы қазақстандық студент Томирис Байсафа оқу орнының төртінші қабатындағы терезеден құлап кетті.
Бойжеткен Склифосовский атындағы ғылыми-зерттеу институтының ауруханасына жеткізілгенімен, көп ұзамай көз жұмды. Осы факті бойынша қылмыстық іс қозғалды. БАҚ хабарлағандай, Томирис пен Муртузали кездесіп жүрген.
Муртузали Меджидов – дағыстандық танымал саяси қайраткер әрі бизнесмен Мұхтар Меджидовтың ұлы.
Томирис Байсафа - Sputnik Қазақстан, 1920, 29.10.2021
Оқиға
Томирис Байсафаның өлімі: Мәскеу соты ақтау үкімінің күшін жойды
Жаңалықтар
0