Қоғам

Kaspi чектері арқылы алаяқтық жасалып жатқаны туралы ескертілді

© Sputnik / Владислав ВодневKaspi Bank қосымшасы
Kaspi Bank қосымшасы - Sputnik Қазақстан, 1920, 04.02.2022
Жазылу
Kaspi мобильді қосымшасының қолданушылары халықты қырағы болуға шақырды
НҰР-СҰЛТАН, 4 ақпан – Sputnik. Әлеуметтік желі қолданушылары алаяқтықтың тағы бір түрі шыққанын ескертті.
Кең тараған видеоға сәйкес, Kaspi bank мобильді қосымшасының арам пиғылды қолданушылары басқа біреуге ақша аударғаны туралы жалған чекті санаулы секундта жасай алады. Алаяқтар жалған чекті сауда жасаған кезде сатушыға көрсетіп, алдап кетуі мүмкін. Оны жасау үшін Telegram боты арқылы операцияның орындалған уақытын, сомасын және жіберушінің аты-жөнін жазып жіберсе болғаны.
Банк қаскүнемдердің құрбаны болмау үшін ақшаның түскенін дереу тексеру керек екенін ескертті.

"Мобильді қосымшадағы "Хабарламалар" сервисі арқылы сатып алу, шешу, толықтыру немесе аудару туралы барлық хабарлама келеді. Барлық операцияның тарихын "Менің банкім" бөліміндегі Kaspi Gold үзіндісінен көруге болады. Бұл алаяқтық әрекеттен қорғайды", - деді Sputnik Қазақстанға Kaspi баспасөз қызметі.

Банк мұндай Telegram боттарды бұғаттау үшін қолдан келгеннің бәрін жасауға уәде берді.
Мемлекеттік кірістер комитеті касса аппараты арқылы берілген чектердің тұпнұсқа екенін қалай тексеру керектігін айтты.
Салық қызметкерлері Қазақстанда ақшамен есеп айырысу заңға сәйкес бақылау-кассалық машиналарды міндетті түрде қолдану арқылы жүзеге асырылуға тиіс екенін еске салды. Бұл аппарат тауарға немесе қызметке төленген соманың чегін береді.
Қазақстандықтар чектің шынайылығын төмендегі сайттарда тексере алады:
https://consumer.oofd.kz/
https://kgd.gov.kz/ru/services/kkm_check
https://egov.kz/wps/portal/paymentSearch
Жаңалықтар
0