Су түбінде түсірілген таңдай қақтырарлық суреттер

Фотобайқаудың теңдессіз жеңімпазы Лук Руман. Ол бұл суретті бельгиялық Антверпен қаласының жанындағы суатта түн уақытында түсіріп алған. Суретте екі шортан балықтың "шайқасы" бейнеленген.

"Екі жауынгер шортан балықтың текетіресін суретке түсіріп үлгердім. Өзім де таңғалдым. Менде енді бұл қос балықтың бүтіндей суреттер топтамасы бар", - дейді байқауда бірінші орын алған сурет авторы.

"Жайын мен гүл" деп аталатын бұл суретті Энрико Сомоги түсірген.

"Менің үйімнің жанында шағын суат бар. Онда ақ тұңғиық гүлі өсіп тұрады және ішінде майда балық жүзеді. Сол жерді суретке түсірмек болдым. Біршама уақыттан кейін кішкентай жайын балық су бетіне қалқып шыққанын байқап қалдым. Ол осы әрекетін бірнеше рет қайталады. Ұзаққа созылған әрекеттен кейін әдемі сурет түсіріп алдым", - дейді автор.

Фотограф Кэтрин Холмс түсірген "Маржан ағаш" суреті. Бұл суретте драйвер Маржан рифтерді қалпына келтіру альянсы дайындаған ағаштағы маржан фрагменттерінің өсіндісін тексеріп жатыр.

Том Сент-Джордж түсірген "Көне үңгірлер" атты сурет. Ол дайвинг бойынша серіктесімен бірге су астындағы үңгірге түсіп, мұндағы көріністі суретке түсіріп алған.

"Маған бұл суретті ақ-қара түсте ұсынған ұнады. Себебі жарық пен көлеңкенің үйлесімі байқалады", -деді автор.

Паоло Баусанидің "Джокер" атты суреті. Балықтың аузын кең ашып, желбезектерін жайған сәті түсірілген.

"Отбасы" деп аталатын бұл суретті Эдуардо Асеведо түсірген. Суретте Тенерифе және Ла Гомера аралдарының арасындағы су арнасында жүзіп жүрген киттер бейнеленген.

"Бленнидің асы" деп аталатын туынды Найджел Мотьер қолынан шыққан. Ол алабұға тәрізділер тобына жататын ұсақ балықтың планктонды жеуге ұмтылған сәтін түсіріп алған.

"Бұл ұсақ балық назарымды аударды да, оны бірнеше рет суретке түсіруге бекіндім. Ол суреттегі әдемі кейіпкер болатынына сенімді болдым", - дейді автор.

"Теңіз сайтанының балалары" деп аталатын суретті Сара Васенд Индонезиядағы Комодо аралының жанында алғаш рет теңіз түбіне сүңгіген кезде түсірген.

Бұл – Мэтью Салливан түсірген "Кептеліс" атты сурет. "

Мен шағын су айдыны жанындағы жартасқа сүйеніп тұрған едім, кенет құнысбалықтардың уылдырық шашатын орынға қарай су толқынымен бірге секіріп жатқанын байқап қалдым. Балықтар осы әрекетті барынша мұқият орындап жатқаны соншалық, олар мені байқаған жоқ", - дейді ерекше суреттің атворы.

Седрика Пено түсірген бұл сурет "Гүл шоғы" деп аталады. Суретте – сирек кездесетеін жалаңаш желбезекті ұлу.

"Жанымдағы досым екеуміз су түбіне сүңгіген кезде бұл ұлуды кездестіргенімізге қатты қуандық. Ол бір шоқ раушан гүліне ұқсайды. Мен оның ашық әрі алқызыл түсін анық көрсету үшін шеттен жарық түсіру арқылы суретке түсіріп алдым", - дейді автор.

Ханна Ле Ле түсірген "Еш қиындыққа қарамастан" деп аталатын сурет.

"Австралиядағы Херон аралында жасыл теңіз тасбақасының баласы асықпай су бетіне жүзіп шығып, аш құстар толы аспанға қарап тұр. Ол бала тасбақа даулыға қарамастан, жыртқыштарға қарсы тұрып, аман қалуы керек. Аспандағы қырағы құстардан бөлек, су түбінде акула мен басқа да балықтар тобы бар. Мың тасбақа баласының тек біреуі ғана аман қалады. Мына тасбақа тірі қала ма, ол жағы белгісіз", - дейді сурет авторы.

"Сұлулық шырақтары" деп аталатын суретті Дженни Сток түсірген.

"Кубадағы дайвинг кезінде ашық түсті алабұғаны суретке түсіріп алдым. Суретті өңдеу кезінде түрлі фильтр қолдану арқылы мен қап-қара тұңғиықтағы түрлі-түсті балық бейнесін шығардым", - дейді фотограф.

"Ана сезімі" атты сурет Кейт Ристер қолынан шыққан. Оның айтуынша, бүкір киттердің аналығы мен баласын жыл сайын тамыз бен қазан аралығында Таити аралындағы Муреа шағын суатында кездестіруге болады.

"Анасы мен баласына аса сақтықпен, өте баяу жақындау керек. Себебі сізді байқағаннан кейін олар бой тасалауға тырысады. Ал мына кит бізден қашпағанын үлкен сәттілік деуге болады. Ол баласының бізге көз тоқтатып қарауына, аздап жақындауына қарсы болмады", - дейді сурет авторы.

"Үнді қалыңдығы" атты сурет. Авторы – Юлиан Недев. Қалыңдық киімін киген үнді қызының су астында түсірілген әдемі бейнесі.

"Сауық кеші" деп аталатын суреттің авторы – Кэтрин Ландграф-Клюге. Ол бұл суретті алғаш рет Мысырда су түбіне түскен кезде түсірген. Суретте Idiomysis асшаяндар тобы.

"Суретті түсіру кезінде олардың барлығын бірдей өзіме қарату қиын болды. Олар тым ұсақ, көлемі 3 миллиметрден аспайды және барлығы бір уақытта бірдей қимылдайды", - дейді фотограф.

"Ұрпақ қауіпсіздігі" деп аталатын суретті байқауға Джулиан Хсу ұсынды. Суретте теңіз бұзаубасы ұрықтанған жұмыртқаларды күзетіп тұр.

"Жұмыртқалардың орналасуына байланысты оларды аяқ жағынан түсірдім. Бұзаубас аталық мен күткен орынға жайғасқанда жылдам суретке түсіріп алдым", - дейді сурет авторы.