Қоғам

Қазақстанда азық-түліктің резервтік қорларын құру ұсынылды

© Sputnik / Тимур БатыршинАзық-түлік, архивтегі фото
Азық-түлік, архивтегі фото - Sputnik Қазақстан, 1920, 03.02.2022
Жазылу
НовостиTelegram
Депутат импорттық өнімге тәуелділікті елдің азық-түлік қауіпсіздігіне төніп тұрған қауіп деп атады
НҰР-СҰЛТАН, 3 ақпан – Sputnik. Сенат депутаты Бауыржан Қаниев азық-түлікпен қамтамасыз етуді тұрақтандыру үшін резервтік қорлар құруды ұсынды, деп хабарлайды Sputnik Қазақстан тілшісі.
Қаниев келтірген статистикалық дерекке сүйенсек, қазір елге сүт өнімдерінің 23%-і, құс етінің 38%-і, шұжық өнімдерінің 44%-і шетелден импортталады. Яғни, Қазақстан импорттық өнімдерге айтарлықтай тәуелді, бұл мемлекеттің азық-түлік қауіпсіздігіне нақты қауіп төндіреді, деп санайды ол.
Осыған байланысты депутат елдің импортқа тәуелділігін төмендету, тамақ өнімдері өндірісін дамыту, экспорт пен импорттың теңгерімді құрылымын сақтау, сондай-ақ азық-түлікпен қамтамасыз етуді тұрақтандыру үшін резервтік қорлар құруды ұсынды.
"Еліміздің азық-түлік қауіпсіздігін қамтамасыз ету үшін мемлекеттік астық ресурстарын және басқа да ауыл шаруашылығы өнімдерін қалыптастыру, сақтау және пайдалану мәселелерін заңнамалық тұрғыдан бекітуді ұсынамыз", - деді Қаниев премьер-министрге жолдаған депутаттық сауалында.
Сондай-ақ сенатор әлеуметтік маңызы бар азық-түліктің шекті бағасын белгілеу және сауда үстемелерін 15%-тен 10%-ке дейін төмендету қажет деп есептейді.
Бұған қоса ол елде шығарылмайтын немесе сыртқы нарықта аз көлемде өндірілетін өнімдерді сатып алу тетігін енгізуді ұсынды.
Жаңалықтар
0