Қымбат дүние сатып алатын мемлекеттік қызметшілер қатаң бақылауға алынады – Тоқаев

© Sputnik / Владислав ВодневПортфель чиновника, архивное фото
Портфель чиновника, архивное фото - Sputnik Қазақстан, 1920, 01.02.2022
Жазылу
Yandex newsTelegram
Президент шенеуніктердің адалдығын тексеруге арналған "Integrity check" әдісі қолданылатынын хабарлады
НҰР-СҰЛТАН, 1 ақпан – Sputnik. Қазақстанда мемлекеттік қызметшілердің қымбат дүниелер сатып алуы қатаң бақылауға алынады. Бұл туралы мемлекет басшысы Қасым-Жомарт Тоқаев мәлімдеді, деп хабарлайды Ақорда.
"Еліміздің құқықтық жүйесі үшін мүлде жаңа институттар бар. Мемлекеттік қызметшілердің жылжымайтын мүлік, автокөлік және басқа да қымбат дүниелер сатып алуы қатаң бақылауға алынады. Сонымен қатар шенеуніктердің адалдығын тексеруге арналған "Integrity check" әдісін атап өтуге болады. Әрине, бұл ұсынысты әлі де жан-жақты пысықтау қажет. Дегенмен халықаралық тәжірибеде мұндай тексерістер жақсы нәтиже көрсетуде", - деді Тоқаев сыбайлас жемқорлыққа қарсы іс-қимыл мәселелері жөніндегі кеңесте.
Президент өз тапсырмасы бойынша Сыбайлас жемқорлыққа қарсы саясат тұжырымдамасы әзірленгенін атап өтті. Құжатта сыбайлас жемқорлықпен күресуге арналған ауқымды шаралар қарастырылған.
Тоқаев тұжырымдама жобасын бекітетінін мәлімдеді. Алайда жұмыстың тиімділігін нақты нәтиже бойынша бағалайтынын ескертті.
"Түпкі мақсат – сыбайлас жемқорлықтан таза қоғам қалыптастыру. Жемқорлықты жою үшін оған бүкіл ел болып қарсы тұруымыз керек. Оған қоса заңнамалық шаралар қабылдауға тиіспіз", - деді мемлекет басшысы.
Сондай-ақ президент жемқорлыққа қатысты қылмыстарды анықтау және ашу жұмыстарын күшейту қажет екені айтты.
Жаңалықтар
0