https://sputnik.kz/20220131/Izolenta-er-adam-oqushy-19244791.html
Изолентамен буындырмақ болған: Өскеменде ер адам оқушыға шабуыл жасады
Изолентамен буындырмақ болған: Өскеменде ер адам оқушыға шабуыл жасады
Sputnik Қазақстан
Оқушы қыз өзін жарақаттаған қылмыскердің қолынан сытылып шыққан 31.01.2022, Sputnik Қазақстан
2022-01-31T09:24+0500
2022-01-31T09:24+0500
2022-02-01T13:05+0500
өңірлер
өскемен
шабуыл
https://sputnik.kz/img/683/17/6831747_178:0:3378:1800_1920x0_80_0_0_7f27b31b84952f5f859ee3c2101e7e9b.jpg
НҰР-СҰЛТАН, 31 қаңтар – Sputnik. Шығыс Қазақстан облысының тұрғыны оқушы қызға қарақшылық шабуыл жасағаны үшін бес жылға бас бостандығынан айырылды.Оқиға мамыр айының соңында болған, бірақ шабуылдың мән-жайы сот отырысында белгілі болды, деп жазады YK-News.Сот материалдарына сүйенсек, сол күні қыз құрбысымен бірге күн батқанға дейін көшеде жүрген. Қараңғы түскенде, үйлеріне тараған. Оқушының құлағында сымсыз құлаққап болған, сол себепті артында біреу келе жатқанын естімеген. Телефондағы кезекті әуен аяқталуға тақағанда ғана елең еткен. Дәл сол сәтте ер адам оған тап беріп, қолындағы изолентамен буындырмақ болған. Бірақ оқушы қыз қолын лентаның астынан өткізіп үлгеріп, күшпен жұлқып қалған. Изолента үзіліп, бір бөлігі оның шашына жабысты, ал екінші бөлігі қылмыскердің қолында қалды.Ер адам қызды газонға құлатып, басынан ұра бастаған. Қыз қарсыласып, көмекке шақырған. Сол маңнан өтіп бара жатқан жастар айғайды естіп, көмекке ұмтылғанда қылмыскер қорқып, ізін жасырыпты.Оқи отырыңыз: Алматыда оқушы қызға кімнің шабуыл жасағаны белгілі болдыБіраз уақыт өткен соң құқық қорғаушылар қаскөйді өзі тұратын Белоусовка ауылынан (Өскемен маңы) тапты. Ұсталған адам бұған дейін де істі болған. Қыз өзіне шабуыл жасаған ер адамды таныды.Сот қарақшылық шабуыл жасағаны үшін қылмыскерді бес жылға бас бостандығынан айырды. Сондай-ақ ол жәбірленушіге моралдық және материалдық шығын ретінде жарты миллион өтемақы төлеуі керек.
өскемен
Sputnik Қазақстан
media@sputniknews.com
+74956456601
MIA „Rossiya Segodnya“
2022
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
өскемен, шабуыл
Изолентамен буындырмақ болған: Өскеменде ер адам оқушыға шабуыл жасады
09:24 31.01.2022 (жаңартылды: 13:05 01.02.2022) Оқушы қыз өзін жарақаттаған қылмыскердің қолынан сытылып шыққан
НҰР-СҰЛТАН, 31 қаңтар – Sputnik. Шығыс Қазақстан облысының тұрғыны оқушы қызға қарақшылық шабуыл жасағаны үшін бес жылға бас бостандығынан айырылды.
Оқиға мамыр айының соңында болған, бірақ шабуылдың мән-жайы сот отырысында белгілі болды, деп жазады
YK-News.Сот материалдарына сүйенсек, сол күні қыз құрбысымен бірге күн батқанға дейін көшеде жүрген. Қараңғы түскенде, үйлеріне тараған. Оқушының құлағында сымсыз құлаққап болған, сол себепті артында біреу келе жатқанын естімеген. Телефондағы кезекті әуен аяқталуға тақағанда ғана елең еткен. Дәл сол сәтте ер адам оған тап беріп, қолындағы изолентамен буындырмақ болған. Бірақ оқушы қыз қолын лентаның астынан өткізіп үлгеріп, күшпен жұлқып қалған. Изолента үзіліп, бір бөлігі оның шашына жабысты, ал екінші бөлігі қылмыскердің қолында қалды.
Ер адам қызды газонға құлатып, басынан ұра бастаған. Қыз қарсыласып, көмекке шақырған. Сол маңнан өтіп бара жатқан жастар айғайды естіп, көмекке ұмтылғанда қылмыскер қорқып, ізін жасырыпты.
Біраз уақыт өткен соң құқық қорғаушылар қаскөйді өзі тұратын Белоусовка ауылынан (Өскемен маңы) тапты. Ұсталған адам бұған дейін де істі болған. Қыз өзіне шабуыл жасаған ер адамды таныды.
Сот қарақшылық шабуыл жасағаны үшін қылмыскерді бес жылға бас бостандығынан айырды. Сондай-ақ ол жәбірленушіге моралдық және материалдық шығын ретінде жарты миллион өтемақы төлеуі керек.
