Экономика

Ұлттық банк базалық ставканы көтерді

© Photo : Пресс-служба Национального банка КазахстанаҰлттық банк ғимараты
Ұлттық банк ғимараты - Sputnik Қазақстан, 1920, 24.01.2022
Жазылу
Ұлттық банк базалық мөлшерлемені 10,25%-ке дейін көтерді. Шешім қабылдау кезінде инфляцияны осы жылдың соңына қарай 4-6%-ке дейін төмендету қажеттілігі ескерілген
НҰР-СҰЛТАН, 24 қаңтар – Sputnik. Ұлттық банктің ақша-кредит саясаты жөніндегі комитеті базалық мөлшерлемені +/-1,00 п.т. пайыздық дәлізімен жылдық 10,25% деңгейінде белгілеу туралы шешім қабылдады.
Тиісінше өтімділікті ұсыну жөніндегі тұрақты қолжетімді операциялар бойынша мөлшерлеме 11,25%, ал өтімділікті алу жөніндегі тұрақты қолжетімді операциялар бойынша мөлшерлеме 9,25% болады.
"Шешім инфляциялық болжамдарды төмендету және инфляцияның 2022 жылдың соңына қарай белгіленген 4-6% нысаналы дәлізге кіру қажеттілігі ескеріле отырып қабылданды", - деп түсіндірді Ұлттық банк.
Қазақстанда базалық ставка 25 қазанда жылдық 9,5%-тен 9,75%-ке дейін көтерілді.

Базалық ставка деген не

Ұлттық банк базалық ставканы екінші деңгейлі банктерге кредит берерде және олардың ақшасын депозитке қабылдарда қолданады. Яғни Ұлттық банк коммерциялық банктерге несиені дәл осы базалық ставкамен береді, депозитке де осы мөлшерлемемен қабылдайды.
Оқи отырыңыз: Кредиті бар адамдар базалық ставка туралы нені білуге тиіс
Банктер клиенттерге қарыз беру үшін ақшаны орталық банктен алатындықтан, олар өз пайыздық мөлшерлемесін базалық ставканы ескере отырып есептейді. Базалық ставкаға өз маржасы мен тәуекелдерін қосады. Сол себепті базалық ставка жоғарыласа, коммерциялық банктердің несиесі де қымбаттай түседі.
Базалық ставканың тағы бір міндеті – инфляцияны барынша тежеп, оның өсуіне жол бермеу.
Әдетте Ұлттық банк инфляцияны ұстап тұру үшін базалық ставканы көтереді.
Жаңалықтар
0