Өңірлер

Алматыда зардап шеккендерге өтемақы беріле бастайды  

© Sputnik / Владислав ВодневТенге, деньги
Тенге, деньги - Sputnik Қазақстан, 1920, 24.01.2022
Жазылу
Yandex newsTelegram
Сонымен қатар төтенше жағдай кезінде жұмыс істеген мыңдаған адамға 100 мың теңге көлемінде қаржылай көмек көрсетіледі
НҰР-СҰЛТАН, 24 қаңтар – Sputnik. Алматыдағы жаппай тәртіпсіздіктер кезінде зардап шеккен жеке тұлғаларға бүгіннен бастап өтемақы беріледі. Бұл туралы қаланың тыныс-тіршілігін қалпына келтіру жөніндегі қалалық штаб отырысында әкімнің орынбасары Ілияс Өсеров мәлімдеді, деп хабарлайды Sputnik Қазақстан.
Төлемдер алдымен мемлекеттік органдар, ауруханалар мен бұқаралық ақпарат құралдарының өкілдеріне беріледі. Барлығы – 603 адам. Олар: 
  • құқық қорғау органдарының қызметкері – 592;
  • төтенше жағдайлар департаментінің мамандары - 1 адам;
  • жергілікті атқарушы органдардың 3 қызметкері;
  • "Алматы" телеарнасының 1 қызметкері;
  • медициналық ұйымдардың 6 маманы.
Өтемақы бірнеше санат бойынша жарақаттың ауырлығына қарай беріледі. Атап айтқанда, ауыр дәрежеде - 2 миллион теңге, орташа дәрежеде – 1 миллион теңге, ал жеңіл жарақт болса, 500 мың теңге төленеді.
Бұдан бөлек, төтенше жағдай кезінде жұмыс істеген мыңдаған адамға 100 мың теңге көлемінде қаржылай көмек көрсетіледі. Олар:
  • полиция департаментінің 3878 қызметкері;
  • төтенше жағдайлар департаментінің 1207 қызметкері;
  • қоғамдық денсаулық басқармасының 3888 қызметкері;
  • құтқару қызметінің 93 маманы.
"Бүгін тиісті құжаттар қазынашылыққа жіберіліп, түстен кейін алғашқы төлемдер жасалады", - деді Өсеров.
Ал тиісті тергеу шаралары аяқталғаннан кейін полиция департаментіне зақымдалған автокөліктер үшін 200 миллион теңге мөлшерінде бастапқы сома аударылады.
Жаңалықтар
0