Экономика

Қазақстан байлығының тең жартысы бар-жоғы 162 адамға тиесілі – Тоқаев

© Sputnik / Абзал КалиевДеньги, тенге, монеты в руках
Деньги, тенге, монеты в руках - Sputnik Қазақстан, 1920, 21.01.2022
Жазылу
Yandex newsTelegram
Президент халықаралық сарапшылардың дерегіне сүйеніп, халықтың жартысының айлық табысы 50 мың теңгеден аспайтынын атап өтті
НҰР-СҰЛТАН, 21 қаңтар – Sputnik. Қазақстан президенті Қасым-Жомарт Тоқаев ірі бизнес өкілдерімен кездесуінде елдегі тереңдеп кеткен әлеуметтік теңсіздік туралы айтты, деп хабарлайды Sputnik Қазақстан.
"Халықаралық сарапшылар, атап айтқанда, KPMG Қазақстан байлығының тең жартысына бар-жоғы 162 адам иелік етеді деп мәлімдеді. Сонымен қатар халықтың жартысының айлық табысы 50 мың теңгеден аспайды немесе жылына 1300 доллардан сәл ғана асады. Мұндай ақшаға өмір сүру мүмкін емес. Тез арада жағдайды өзгерту керек және көп нәрсе сіздерге байланысты, құрметті кәсіпкерлер", - деп мәлімдеді ол.
Президенттің пікірінше, Қазақстандағы олигополия – бұл ел экономикасын әртараптандыруға емес, бір қолда бизнесті әртараптандыруға деген тұрақты ұмтылыс.
"Бір адам немесе компания өндіріп, өңдейді және банктерден қолдау көреді, ал қалғандары оны іліп әкетеді... Бизнесті монополиялау – жақсы емес. Бұл қоғамдық депрессияға, елге сенімсіздікке әкеліп соқтырады. Халықтың көкейінде неліктен бизнестің барлық түрі бір қолда деген сұрақ бар. Гегелді Бабелмен шатастыратындар бар, арнайы білімі жоқ, бірақ олардың қолында орасан зор бизнес бар. Арнайы курстарды бітірген білімді адамдар бизнес көздері мен ресурстарына қол жеткізе алмайды", - деді Тоқаев.
Оқи отырыңыз: "Алғашқы белгілері көріне бастады": Тоқаев елге төніп тұрған қатер туралы айтты 
Жаңалықтар
0