Қоғам

ІІМ тәртіпсіздік кезінде ұрланған қаруды өз еркімен тапсыруға шақырды – видео

© Photo : Пресс-служба департамента полиции Жамбылской областиОружие
Оружие  - Sputnik Қазақстан, 1920, 18.01.2022
Жазылу
Yandex newsTelegram
Жаппай тәртіпсіздіктер кезінде қару-жарақ дүкендерінен, құқық қорғау және арнайы органдардың ғимараттарынан қару-жарақ пен оқ-дәрілер ұрланған
НҰР-СҰЛТАН, 18 қаңтар – Sputnik. Ішкі істер министрлігі заңсыз сақталған атыс қаруы мен оқ-дәрілерді өз еркімен тапсыру туралы үндеу жариялады.  
Елдегі жаппай тәртіпсіздіктер кезінде қару-жарақ дүкендерінен, құқық қорғау және арнайы органдардың ғимараттарынан қылмыскерлер атыс қаруы мен оқ-дәрілерді ұрлады, деп хабарлады Polisia.kz.
"Заңсыз сақталған қаруды, оқ-дәрілерді және жарылғыш заттарды өз еркімен тапсырған адамдардың іс-әрекеттерінде өзге қылмыстар құрамы болмаса, олар қылмыстық және әкімшілік жауапкершіліктен босатылады", - дейді министрлік мамандары.
Ұрланған қару мен оқ-дәрілер заңсыз мақсаттар үшін пайдалануы мүмкін, сондай-ақ азаматтардың өмірі мен денсаулығына қауіп төндіреді.
Қару мен оқ-дәрілерді заңсыз сақтағаны үшін қылмыстық (Қылмыстық кодекстің 287-бабы – 5 жылға дейін бас бостандығынан айыру) және әкімшілік (ӘҚБтК 482-бабы – 25 АЕК айыппұл) жауапкершілік көзделген.
"Жазатайым оқиғалардың және жарақаттың алдын алу мақсатында табылған жарылғыш материалдармен, оқ-дәрілермен қандай да бір әрекеттер жасамауды, оларды тасымалдауға тырыспауды, бұл туралы полицияға 102 немесе 112 телефондары бойынша хабарлауды сұраймыз", - делінген хабарламада.  
Жаңалықтар
0