Саясат

Түркия Қазақстанға қолдау көрсетуге дайын екенін мәлімдеді

© Sputnik / Владислав ВодневФлаги Турциии и Казахстана
Флаги Турциии и Казахстана - Sputnik Қазақстан, 1920, 17.01.2022
Жазылу
Yandex newsTelegram
Түркия вице-президенті қаңтарда болған қайғылы оқиға салдарынан қаза тапқандардың отбасыларына көңіл айтты
НҰР-СҰЛТАН, 17 қаңтар – Sputnik. Қазақстан премьер-министрі Әлихан Смайылов Түркия вице-президенті Фуат Октаймен телефон арқылы сөйлесті.
Октай Смайыловты премьер-министр лауазымына тағайындалуымен құттықтады, деп хабарлады Қазақстан премьер-министрінің баспасөз қызметі.
Октай қаңтарда болған қайғылы оқиға салдарынан қаза тапқандардың отбасыларына көңіл айтып, Түркияның Қазақстанға қажетті қолдау көрсетуге дайын екенін атап өтті.
"Түркия Республикасы – Қазақстанның сенімді әрі стратегиялық серіктесі. Қазақстан үкіметі ынтымақтастықтың барлық бағыты бойынша Түркиямен ынтымақтастықты нығайтуды жалғастырады", — деді Смайылов.
Түркия – Қазақстанның маңызды сауда-экономикалық әріптесі. 2021 жылдың 11 айының қорытындысы бойынша өзара сауда көлемі 3,74 миллиард долларды құрады, бұл 2020 жылдың сәйкес кезеңіндегі көрсеткіштен 32%-ке артық және 2019 жылғы пандемияға дейінгі деңгейден анағұрлым асып түседі.
Тәуелсіздік жылдарында Түркия Қазақстан экономикасына шамамен $5 миллиард инвестиция салды, ал Қазақстан Түркия еліне $1,1 миллиард инвестиция құйған.
Қазақстан мен Түркия арасындағы дипломатиялық қарым-қатынастың орнағанына биыл 30 жыл толады.
Оқи отырыңыз: Түркия "Томирис" фильмінің желісі бойынша сериал түсіреді 
Жаңалықтар
0