Қоғам

"Үш ер адам пәтер тонап жүр": полиция желіде тараған ақпаратқа түсініктеме берді

© Sputnik / Владислав Воднев Новоселье, архивное фото
 Новоселье, архивное фото - Sputnik Қазақстан, 1920, 16.01.2022
Жазылу
Yandex newsTelegram
Нұр-Сұлтан қаласының комендатурасы желіде тараған ақпаратты жоққа шығарды
НҰР-СҰЛТАН, 16 қаңтар – Sputnik. Елорда тұрғындары арасында үш ер адамның пәтер тонап жүргені туралы ақпарат тарады, деп хабарлайды Sputnik Қазақстан тілшісі.
"Астанада үш ер адам пәтер аралап жүр. Біреуі форма киіп алған. Құжат тексері жүрміз дейді. 17 пәтер тоналған екен. Оларда қару да бар. Жақындарыңызға ескертіп қойыңыз", - делінген хабарламада. 
Нұр-Сұлтан қаласының комендатурасы желіде тараған ақпаратты жоққа шығарды. Ондай қылмыстар тіркелмеген.
"Бұл ақпарат шындыққа жанаспайды. Арандатушылық пен дүрбелеңге салынбаңыз. Ресми ақпарат көздеріне ғана сеніңіз. Төтенше жағдай кезінде жалған ақпарат таратқаны үшін қылмыстық жаза қарастырылған. Елордадағы жағдай толық бақыланып отыр", - дейді полицейлер.
Айта кетері, Нұр-Сұлтанда төтенше жағдайды енгізгеннен кейін комендатура құрылды. Қалалық полиция департаментінің басшысы комендант қызметін атқарып жүр.
Жаңалықтар
0