Алматыдағы жаппай тәрпісіздіктер - Sputnik Қазақстан, 1920, 23.05.2022
Қаңтар оқиғасы
2022 жылғы қаңтарда Алматы қаласы мен басқа да өңірлерде болған жаппай тәртіпсіздіктерге қатысты материалдар

Песков ҰҚШҰ әскерінің Қазақстаннан шығарылуына қатысты пікір білдірді

© Sputnik / Russian Defence Ministry / Медиабанкке өтуВоеннослужащие из состава контингента миротворческих сил ОДКБ в Казахстане
Военнослужащие из состава контингента миротворческих сил ОДКБ в Казахстане - Sputnik Қазақстан, 1920, 11.01.2022
Жазылу
ҰҚШҰ әскерлерін шығару процесі екі күннен кейін – 13 қаңтарда басталады, ол шара 10 күннен аспайды, деді Тоқаев мәжіліс отырысында
АЛМАТЫ, 11 қаңтар – Sputnik. Ресей президентінің баспасөз хатшысы Дмитрий Песков Қазақстан президенті Қасым-Жомарт Тоқаевтың ҰҚШҰ бітімгерлерін шығару мерзімі туралы айтқан сөзіне қатысты пікір білдірді. Ол бұл шешімді қабылдау Нұр-Сұлтанның құзыретінде екенін, Ресейдің араласуға құқығы жоқ екенін мәлімдеді.
Бүгін Тоқаев мәжілістің жалпы отырысында ҰҚШҰ бітімгерлерін елден шығару 13 қаңтарда басталатынын айтты. Процесс 10 күннен аспайды. ҰҚШҰ бітімгерлері күшінің негізгі миссиясы сәтті аяқталды.
ҰҚШҰ бас хатшысы Станислав Зась Қазақстанда 2 500-ге жуық бітімгер болатынын айтты.
Айта кетері, 2 қаңтарда Маңғыстау облысының тұрғындары сұйытылған мұнай газы бағасының көтерілуіне байланысты митингке шықты. 3 қаңтарда митингілер бірден бірнеше аймақта басталды. Наразылық акциясына мұнай өндіруші кәсіпорындардың вахталық қызметкерлері қосылды. 4 қаңтарда елдің бірнеше қаласында жаппай тәртіпсіздіктер басталып, жоюлар басталды.
5 қаңтарда Тоқаев Ұжымдық қауіпсіздік туралы шарт ұйымына (ҰҚШҰ) мүше елдерге республикадағы жағдайды шешуге көмек сұрап жүгінді.
Сол күні Үкімет отставкаға кетті, Қазақстанда әлеуметтік маңызы бар азық-түлік, сұйытылған газ, бензин және дизель отынының бағалары реттеу бойынша шаралар қабылданды. Алайда тәртіпсіздіктер күшейе түсті. Ең көп Алматы зардап шекті. Тәртіпсіздікке қатысушылар әкімдікті өртеп, президент резиденциясына шабуыл жасады, дүкендерді, сауда ойын-сауық орталықтарын, банк кеңселері мен банкоматтарды қиратқан.
Қазақстандағы тәртіпсіздіктерден бизнеске келтірілген залал 95 миллиард теңгеден асты. Зардап шеккендер саны нақтыланып жатыр.
6 қаңтарда Кәрім Мәсімов Ұлттық қауіпсіздік комитетінің төрағасы қызметінен босатылды. Сол күні ҰҚК Қылмыстық кодекстің 175-бабының 1-бөлігі бойынша мемлекетке опасыздық жасау фактісі бойынша сотқа дейінгі тергеп-тексеруді бастады. Аталған қылмысты жасады деген күдікпен ҰҚК-нің бұрынғы төрағасы Кәрім Мәсімов пен басқа да адамдар ұсталып, уақытша ұстау изоляторына қамалды. ҰҚК-нің жаңа басшысы Ермек Сағымбаев болды.
Жаңалықтар
0