Өңірлер

Нұр-Сұлтан мен Алматыда ірі сауда желілері қалай жұмыс істеп жатыр

© Sputnik / Абзал КалиевПосетители закупаются продуктами перед "карантинными выходными" в торговой сети
Посетители закупаются продуктами перед карантинными выходными в торговой сети - Sputnik Қазақстан, 1920, 06.01.2022
Жазылу
НовостиTelegram
Елордада бизнес орталықтардың бірінде орналасқан Magnum сауда желісінің сатушысы сауда орны таңғы 08:00-ден кешкі 21:00-ге дейін істейтінін айтты. Тауарлар үшін тек қолма-қол ақшамен есеп айырысады
НҰР-СҰЛТАН, 6 қаңтар – Sputnik. Нұр-Сұлтан мен Алматы қалаларында ірі сауда желілері қалай жұмыс істеп жатқаны белгілі болды, деп хабарлайды Sputnik Қазақстан.
Нұр-Сұлтанда Magnum сауда желісі әдеттегідей жұмыс істеп тұр. Интернеттің жоқтығына байланысты тек қолма-қол ақша қабылдайды.
"Нұр-Сұлтанда Магнум төтенше жағдай режиміне сәйкес жұмыс істеп жатыр. Төлем жайлы ештеңе білмеймін. Интернет жоқ, байланысқа шыға алмай отырмын. Алматы бойынша да ештеңе айта алмаймын", - деді Magnum компаниясының PR-менеджері Дмитрий Шишкин Sputnik Қазақстан тілшісіне.
Елордада бизнес орталықтардың бірінде орналасқан Magnum сауда желісінің сатушысы сауда орны таңғы 08:00-ден кешкі 21:00-ге дейін істейтінін айтты. Тауарлар үшін тек қолма-қол ақшамен есеп айырысады.
Metro сауда желісінің баспасөз қызметі бүгін сауда орталықтары жабық екенін мәлімдеді.
"Бүгін жабық, ертең білмейміз. Әзірге ақпарат жоқ. Бүгін бүкіл Қазақстан бойынша жабылды", - деді Metro компаниясының баспасөз қызметіндегілер.
Ал SMALL супермаркеттері желісінің қауырт желісі Алматыдағы кейбір дүкендер техникалық себептерге байланысты жұмыс істемейтінін хабарлады. Астанадағы сауда желілері жайлы әзірге ақпарат жоқ. Бұған дейін Қазақстанның барлық банкі жұмысын уақытша тоқтатқаны хабарланды.
Жаңалықтар
0