Спорт

Министр талантты спортшылар неліктен құрамаға өте алмай қалатынын айтты

© Sputnik / Меруерт АлимоваКак встречали чемпиона юные спортсмены
Как встречали чемпиона юные спортсмены - Sputnik Қазақстан, 1920, 22.12.2021
Жазылу
Yandex newsTelegram
Ұлттық құрама Олимпиада ойындарында өнер көрсеткеннен кейін көптеген сұрақ туындады. Қазірге дейін спортшыларды даярлау жүйесі жолға қойылған, бірақ жетілдіру қажет, дейді Райымқұлова
АЛМАТЫ, 22 желтоқстан – Sputnik. Мәдениет және спорт министрі Ақтоты Райымқұлова талантты қазақстандықтардың не себепті спорт құрамаларына кіре алмайтынын түсіндірді, деп хабарлайды Sputnik Қазақстан тілшісі.
Ақтоты Райымқұлова талантты баланың балалар мен жасөспірімдер спортынан бастап Ұлттық құрамаға дейін жетуі жолында спортшыларды даярлау жүйесі жетілдіруді талап ететінін айтты.
"Біздің құрама Олимпиада ойындарында өнер көрсеткеннен кейін көптеген сұрақ туындап отыр. Қазірге дейін спортшыларды даярлау жүйесі жолға қойылған, алайда ол жетілдіруді талап етеді. Спортшылар резервін құру бойынша да сұрақтар бар. Бұл бес кезеңнен тұратын бағдарлама", - деді министр.
Оның айтуынша, жақсы нәтиже көрсеткен спортшылар құрама штатына өтуі қажет.
"Бірақ 1994 жылдан бері бар-жоғы мың орын бөлінетіндіктен өте алмайды. Ол кезде спорттың тек 60 түрі болды. Ол кезде бұл жеткілікті еді. Ал қазір бұл жеткіліксіз болғандықтан, дарынды спортшылар құрама штатына кіре алмайды. Біз мұны заңнамалық түрде 3 мыңға дейін ұлғайту міндетін қойдық", - деді Райымқұлова.
Оның айтуынша, дарынды баланың спорт жолын талантты жаттықтырушымен бірге бастау бойынша жетілдіру жобасы да ұсынылған. Сол арқылы спортшы өзін сенімді сезінеді, тіпті университетте оқуын жалғастыра алады. Жетістікке жетсе, ол ҰБТ тапсырудан босатылады. Сондай-ақ ұлттық команда штатында болады.
Жаңалықтар
0