Экономика

"Самұрық-Қазынаның" биылғы табысы 10,5 трлн теңге болады деп болжанып отыр

© Официальный сайт Президента Казахстана / AMANТокаев и Саткалиев
Токаев и Саткалиев - Sputnik Қазақстан, 1920, 22.12.2021
Жазылу
Yandex newsTelegram
Бұл жоспарлы көрсеткіштен 22 пайыз жоғары. Бұған мұнай бағасының көтерілуі, жүк тасымалының ұлғаюы негізгі фактор болды
НҰР-СҰЛТАН, 22 желтоқсан – Sputnik. Мемлекет басшысы Қасым-Жомарт Тоқаев "Самұрық-Қазына" АҚ басқарма төрағасы Алмасадам Сәтқалиевті қабылдады, деп хабарлады Ақорданың баспасөз қызметі.
Қасым-Жомарт Тоқаевқа "Самұрық-Қазына" акционерлік қоғамының биылғы атқарған қызметінің негізгі өндірістік көрсеткіштері мен қаржылық қорытындылары туралы есеп берілді.
Оқи отырыңыз: Халықтық IPO: 2022 жылы үш ірі компанияның акциясы сатылады 
Алмасадам Сәтқалиевтің айтуынша, қордың биылғы табысы 10,5 триллион теңге болады деп болжанып отыр. Бұл жоспарлы көрсеткіштен 22 пайыз жоғары. Бұған мұнай бағасының көтерілуі, жүк тасымалы мен транзит көлемінің ұлғаюы, сондай-ақ электр қуатын өндіру және тарату көрсеткіштерінің артуы негізгі фактор болды. 
Сонымен қатар мемлекет басшысына әлеуметтік және инфрақұрылымдық нысандарды қаржыландыруға қатысты тапсырмаларының орындалуы жөнінде мәлімет берілді. Атап айтқанда, газбен және сумен қамту, көлік және энергетика салаларындағы 11 басым жобаның іске асырылу барысы туралы баяндалды.
Қорды басқару кеңесі жобаларды мақұлдап, мемлекет басшысының жолдауын жүзеге асыру жөніндегі жалпыұлттық іс-шаралар жоспарына енгізді. 
Жаңалықтар
0