Дүниежүзілік туристік ұйым Туладан жетпіс шақырым қашықтықта орналасқан Бёхово ауылын әлемдегі ең үздік туристік ауылдардың бірі деп таныды. 75 мемлекеттегі 170 елді мекен БҰҰ жанындағы Дүниежүзілік туристік ұйымның рейтингіне енуге тырысқанмен, ұйымның Бас ассамблеясының шешімімен бұл тізім 32 елдегі 44 ауылмен шектелді.Үміткерлерге қойылатын талаптар табиғи және мәдени ерекшеліктерге, салт-дәстүрді сақтауға бағытталған новаторлық әдіске, туризмді дамыту ісіне деген ұмтылысқа қатысты болды.Бёховоның басқа ауылдардан ерекшелігі қандай?Ресейдің әйгілі саяхатшы суретшілерінің бірі Василий Поленов осы ауылда тұрып еңбектенген. Поленовтың достары, әріптестері мен шәкірттері суретшінің өз жобасы бойынша салынған үй мен шеберханадан бөлек, Троица шіркеуін де қамтитын зәулім кешенге жиі келетін. Олардың қатарында Илья Репин, Константин Коровин, Виктор Васнецов, Исаак Левитан және жазушы Антон Чехов бар.Суретші қайтыс болғаннан кейін бұл нысан "Поленово" музей-қорығына айналды. Бүгінде Бёховода небәрі 58 адам тұрады, десе де мұнда түрлі көрме мен өнер фестивальдері жиі өткізіледі. Мұндай ауқымды шараларға Ресейдің түкпір-түкпірінен келген суретшілер қатысады.
Бёховода небәрі 58 адам тұрады, десе де тарихы бай бұл ауыл туристік нысандардың әлемдік рейтингіне енді
Дүниежүзілік туристік ұйым Туладан жетпіс шақырым қашықтықта орналасқан Бёхово ауылын әлемдегі ең үздік туристік ауылдардың бірі деп таныды. 75 мемлекеттегі 170 елді мекен БҰҰ жанындағы Дүниежүзілік туристік ұйымның рейтингіне енуге тырысқанмен, ұйымның Бас ассамблеясының шешімімен бұл тізім 32 елдегі 44 ауылмен шектелді.
Үміткерлерге қойылатын талаптар табиғи және мәдени ерекшеліктерге, салт-дәстүрді сақтауға бағытталған новаторлық әдіске, туризмді дамыту ісіне деген ұмтылысқа қатысты болды.
Бёховоның басқа ауылдардан ерекшелігі қандай?
Ресейдің әйгілі саяхатшы суретшілерінің бірі Василий Поленов осы ауылда тұрып еңбектенген. Поленовтың достары, әріптестері мен шәкірттері суретшінің өз жобасы бойынша салынған үй мен шеберханадан бөлек, Троица шіркеуін де қамтитын зәулім кешенге жиі келетін. Олардың қатарында Илья Репин, Константин Коровин, Виктор Васнецов, Исаак Левитан және жазушы Антон Чехов бар.
Суретші қайтыс болғаннан кейін бұл нысан "Поленово" музей-қорығына айналды. Бүгінде Бёховода небәрі 58 адам тұрады, десе де мұнда түрлі көрме мен өнер фестивальдері жиі өткізіледі. Мұндай ауқымды шараларға Ресейдің түкпір-түкпірінен келген суретшілер қатысады.
Тула облысы, Заокс ауданы, Бёхово ауылындағы "Святая Троица Живоначальная" шіркеуі. Шіркеу 1904-1906 жылдары көрші усадьбаға иелік еткен атақты суретші Василий Поленовтің жобасы бойынша салынған неорестік стильдегі ерекше ескерткіш болып саналады.
Тула облысы, Заокс ауданы, Бёхово ауылындағы Ока өзенінің жағалауында серуендеп жүрген адамдар. Орыстың саяхатшы суретшілерінің картиналарындағы пейзажды туристер өз көзімен тамашалай алады.
"Поленово" усадьбасындағы ғимараттың көбі суретшінің жеке жобасы бойынша салынған және архитектурада ортағасырлық Батыс Еуропа сәулет өнерінің белгілерін байқауға болады. Ағаштан жасалған негізгі үй 1890-1892 жылдары салынған және кейінірек қайта сыланды. Жақын жерде кірпіш "Аббаттық" – суретшінің 1904 жылы салынған шеберханасы орналасқан. Оның айналасында бірқатар шаруашылық ғимарат бар.
Василий Дмитриевич Поленов пен оның жұбайы Наталья Васильевна шіркеу жанына жерленген. Соғыс кезінде шіркеу ғимараты зақымданды, бірақ 1970 жылдардың соңында ол қалпына келтірілді. Интерьерде Иерусалим қабырғасының қос қақпасы үлгісінде жасалған ойылған капительдерді көруге болады. Олардың бірін Поленовтың өзі кескен.
Тула облысы, Бёхово ауылындағы Троица Живоначальная шіркеуінің алдында орналасқан ағаш үй. "Поленово" музей-қорығы Мәскеуден 130 километр және Туладан 70 километр қашықтықта орналасқан.
Тула облысы, Бёхово ауылындағы Троица Живоначальная шіркеуі. Орыстардың танымал саяхатшы суретшісі Василий Поленов бұл шіркеудің жобасын өзі әзірлеп, оның құрылысының басы-қасында болған.
Поленово - Тула облысындағы ең танымал усадьбалардың бірі. Оны 1887 жылы осы аймаққа алғаш рет келген және Ока өңіріне ғашық болған суретші 1890 жылдары салған. 1927 жылы Поленов қайтыс болғаннан кейін оның музей-үйі жасақталды. Бірақ 1939 жылға дейін бұл мүлік Поленовтар отбасының қарамағында болып, кейіннен ол мемлекет меншігіне өтті. 1990 жылдан бастап бұл усадьбаға музей-қорық мәртебесі берілді.
