Саясат

Армения Назарбаевтың Әзербайжанды ЕАЭО-ға шақыру туралы ұсынысына жауап берді

© Sputnik / Sputnik / Медиабанкке өтуЗаседание Евразийского межправительственного совета стран ЕАЭС
Заседание Евразийского межправительственного совета стран ЕАЭС - Sputnik Қазақстан, 1920, 17.12.2021
Жазылу
Бұған дейін Назарбаев Әзербайжанды ЕАЭО-ның бақылаушы мемлекеттерінің қатарына қосуды ұсынған еді
АЛМАТЫ, 17 желтоқсан – Sputnik. Армения сыртқы істер министрлігінің баспасөз хатшысы Ваан Унанян Әзербайжанға Еуразиялық экономикалық одақта (ЕАЭО) бақылаушы мәртебесін беру туралы мәселеге түсініктеме берді.
"Еуразиялық экономикалық одақта бақылаушы мәртебесін беру тәртібі 2014 жылдың 29 мамырындағы ЕАЭО туралы шартта айқындалған. Қандай да бір мемлекетке бақылаушы мәртебесін беру туралы мәселе осы қадамның экономикалық жағынан орынды екенін анықтау үшін ЕАЭО шеңберінде кеңес өткізіліп, консенсустық шешімді талап етеді", - деді Унанян "Арменпресс" агенттігіне.
Оның айтуынша, қазірге дейін ешбір мемлекет Одақта бақылаушы мәртебесін алуға өтініш бермеген.

Назарбаев не ұсынды

Қазақстанның Тұңғыш президенті Нұрсұлтан Назарбаев 10 желтоқсанда Жоғары Еуразиялық экономикалық кеңестің отырысына қатысты. Отырыста ол көп жылға жалғасқан келіспеушіліктен кейін Армения мен Әзербайжан арасында қатынас орнауын қалайтынын атап өтті.
Осыдан кейін Назарбаев Әзербайжанмен келіссөздер жүргізіп, елді ЕАЭО-ның бақылаушы мемлекеттер тізіміне қосуды ұсынды.
Тұңғыш президент Әзербайжанды Өзбекстаннан үлгі алуға шақырды. Назарбаевтың айтуынша, Өзбекстан ЕАЭО-ға бақылаушы ретінде қосылғаннан кейін көп пайда көрді.
Айта кетері, Армения Қазақстан, Қырғызстан, Ресей және Беларусьпен қатар ЕАЭО-ға мүше мемлекет қатарында бар.

Армения мен Әзербайжан арасында не болып жатыр

Армения мен Әзербайжан арасындағы қарым-қатынас күрделі. 2020 жылдың қыркүйегінің соңында Таулы Қарабақта соғыс қайта басталды, бұл көптеген жыл жалғасқан қақтығыстың жалғасы болды және соның кесірінен бейбіт тұрғындар зардап шекті. Қос тарап бірнеше рет бітімге келуге әрекет жасады, алайда 10 қарашаға қараған түні үшжақты келісім жасалды.
Іске Мәскеу араласып, Әзербайжан мен Армения арадағы араздықты толық тоқтатуға, тұтқындар мен қаза болғандардың мүрдесін алмасуға келісті. Ереван Бакуге Кельбаджар, Лачин және Агдам аудандарын берді. Сонымен қатар аймақта ресейлік бітімгерлер орналасты.
Жаңалықтар
0