Қоғам

Қызылордада экс-судья мен хатшысы түрмеге жабылды

© Sputnik / Тимур БатыршинНаручники, архивное фото
Наручники, архивное фото - Sputnik Қазақстан, 1920, 15.12.2021
Жазылу
Үкім шығару кезінде екі күдіктінің де кәмелет жасына толмаған балалары бар екені ескерілді
НҰР-СҰЛТАН, 15 желтоқсан – Sputnik. Қызылорда облысындағы Шиелі аудандық сотының бұрынғы судьясы мен оның хатшысы бас бостандығынан айырылды, деп хабарлады Сыбайлас жемқорлыққа қарсы іс-қимыл агенттігі.
10 желтоқсанда Шиелі аудандық сотының судьясы Құрманбай мен оның хатшысы Қыдырәлиеваға қатысты айыптау үкімі шықты. Үкімге сәйкес, судьяға 2 жыл 6 ай және хатшыға 2 жыл бас бостандығынан айыру жазасы тағайындалды.
Хатшы Қыдырәлиеваның кәмелет жасына толмаған 4 баласын, соның ішінде емізулі баласы болуына байланысты оның жазасы жеңілдетілді.
Бұрынғы судья Құрманбай көрінеу заң бұзатын сот актілерін шығарғаны (Қылмыстық кодекстің 369-бабының 3-бөлімі) және қызмет бабында жалған құжат жасағаны (Қылмыстық кодекстің 418-бабының 1-бөлімі) үшін кінәлі деп танылды. Қыдырәлиева қылмыстық әрекетті орындауға көмектескені үшін қылмыстық жауапкершілікке тартылды.
"Құрманбай нақты сот отырыстарын өткізбестен, сондай-ақ жалған мәліметтер енгізу арқылы 12 азамматтық іс (тұрғын үйлер мен ер телімдерін сату-сатып алу келісімшарттарын мойындау туралы) бойынша шешім шығарған. Сотталушылардың кәмелетке толмаған балалары болуын сот жазаны жеңілдететін жағдай деп танып, соған байланысты Құрманбайдың жазасы 5 жылдан 2,6 жылға, Қыдырәлиеваныкі 4 жылдан 2 жылға қысқартылды", - деп жазылған сыбайлас жемқорлыққа қарсы іс-қимыл агенттігінің хабарламасында.
Екеуі де мемлекеттік қызмет саласында қызметке тағайындалу құқығынан өмір бойына айырылды. Құрманбай сот залында қамауға алынды.
Үкім заңды күшіне енген жоқ.

Оқи отырыңыз: 

Жаңалықтар
0