Әлем

Комадан шыққан әйел қыз туғанын білді

© Photo : PexelsНоворожденный
Новорожденный - Sputnik Қазақстан, 1920, 15.12.2021
Жазылу
Әйел сәбиін босанған сәт есінде қалмағанын айтты, себебі сол уақытта әйел комада жатқан. Ол жаңа туған сәбиін екі айдан кейін ғана көрді
АЛМАТЫ, 15 желтоқсан – Sputnik. Коронавирус жұқтырған жүкті әйел ауруханаға жеткізіліп, содан кейін комаға түскен. Дәрігерлер баланы аман алып қалу үшін бәрін жасады.
Дәрігерлер әйелді комадан шығарған кезде ол жаңа туған қызын көріп аң-таң болды. Себебі сәбиін босанған сәт есінде болмаған. Осындай таңғаларлық жағдай ағылшынның Фарнворт қаласында болды, деп жазды Metro басылымы.
Жүкті Лора Уордтың коронавирус жұқтырған соң жағдайы нашарлаған, соған байланысты дәрігерлердің бақылауында болу үшін ауруханаға жатқызылған. Артынша дәрігерлер әйелде қант диабеті бар екенін анықтады.
Оқи отырыңыз: Ұлын ажалдан арашалаймын деп комаға түскен ана 27 жылдан соң оянды - фото 
Лораның айтуынша, уақытынан бұрын босануға рұқсат берген сәті есінде жоқ. Әйел әрі қарай комаға түскен.
Лора комада жеті аптадан кейін есін жиды, ал барлығы оны қызының дүниеге келуімен құттықтады.
"Көзімді ашқанда жанымдағы төсектен Хоупты көрдім. Мен қимылдай алмадым. Тек дыбыс шығарып, басымды изей алатынмын", - деді ол.
Сәби шала туып, біраз уақыт оңалту бөлімінде болған. Дәрігерлердің айтуынша, қазір баланың жағдайы жақсы.
Лораның сөзінше, болған жағдай өзіне және отбасына ауыр тиген. Себебі есін жиса да біраз уақыт бойы туыстары палатаға кіре алмаған, осылайша ол оянған соң екі аптадан кейін ғана туыстарымен сөйлесті.
Жаңалықтар
0