Nature inFocus Photography Contest байқауында үздік деп танылған туындылар - фото
Nature inFocus Photography Contest байқауында үздік деп танылған туындылар - фото
Sputnik Қазақстан
Бізді қоршаған жабайы әрі таңғажайып табиғат шығармашыл адамдардың шабытына айналуда. Олардың қатарында фотографтар да бар. Nature inFocus Photography Contest... 11.12.2021, Sputnik Қазақстан
Жабайы табиғат пен онда тіршілік ететіндердің бұл суреттері қоршаған ортаның биотүрлілігін кезекті рет паш етті.Биыл бұл байқауға әлемнің 40 елінен 2 мың фотограф 18 мыңға жуық сурет жолдады. Фотографтар арасындағы байқау COVID-19 пандемиясына байланысты виртуалды форматта өтті. Бірақ осыған қарамастан авторлардың ең теңдессіз туындылары іріктеліп, үздіктері марапатталды.Қазылар алқасы атап өткендей, үздікті анықтау оңай болған жоқ. Себебі тамаша суреттер тым көп болды.Фотографтар "Жануарлар бейнесі", "Табиғаттың шығармашылық келбеті", "Жас фотограф", "Түр сақтау проблемасы", "Жабайы пейзаж және тіршілік ортасындағы жануарлар", "Жануарлардың іс-қимылы" сынды дәстүрлі категория бойынша сынға түсті.15 жастағы Анага Мохан ең жас әрі дарынды фотограф атағына ие болды.Суреттер топтамасынан байқауға қатысқан басқа да фотографтардың үздік туындыларын тамашалай аласыздар.
Бізді қоршаған жабайы әрі таңғажайып табиғат шығармашыл адамдардың шабытына айналуда. Олардың қатарында фотографтар да бар. Nature inFocus Photography Contest 2021 байқауында жеңімпаз атанған мына кадрлар қазылар алқасын да, көрерменді де таңдай қақтырды
Жабайы табиғат пен онда тіршілік ететіндердің бұл суреттері қоршаған ортаның биотүрлілігін кезекті рет паш етті.
Биыл бұл байқауға әлемнің 40 елінен 2 мың фотограф 18 мыңға жуық сурет жолдады. Фотографтар арасындағы байқау COVID-19 пандемиясына байланысты виртуалды форматта өтті. Бірақ осыған қарамастан авторлардың ең теңдессіз туындылары іріктеліп, үздіктері марапатталды.
Қазылар алқасы атап өткендей, үздікті анықтау оңай болған жоқ. Себебі тамаша суреттер тым көп болды.
Фотографтар "Жануарлар бейнесі", "Табиғаттың шығармашылық келбеті", "Жас фотограф", "Түр сақтау проблемасы", "Жабайы пейзаж және тіршілік ортасындағы жануарлар", "Жануарлардың іс-қимылы" сынды дәстүрлі категория бойынша сынға түсті.
15 жастағы Анага Мохан ең жас әрі дарынды фотограф атағына ие болды.
Суреттер топтамасынан байқауға қатысқан басқа да фотографтардың үздік туындыларын тамашалай аласыздар.
Ғажайып сурет! Осындай теңдессіз түстер тудырып тұрған бұршақты саңырауқұлақтың спорасы (полипора) екеніне сену қиын. Бұрыштан түсірілген жарық әсерінен олар алуан түске боялып тұр. Фотограф қолындағы шам жарығына түскен өлі ағаш дінінде өсіп тұрған саңырауқұлақты көрген. Содан кейін Стоунхендж әсерін тудыру үшін суретті көлденең аударып, Солтүстік шұғыласы секілді түсірген. Фотограф Пратхамеш Гадекар түсірген "Солтүстік шұғыласы" (Northern Lights) деп аталатын сурет Creative Nature Photography аталымында жеңіске жетті.
Өрмекшілер түс көреді! Фотограф Анируда Камакери бұған сенімді. Өрмекшілердің басым бөлігі кешкі уақытта өрнек тоқитыны белгілі. Өз үйінің ауласындағы өрмекшіні кеш сайын қадағалаған сурет авторы осы іс-әрекетті бірнеше кескінде түсіріп алған. Анируда Камакеридің "Өрмекші түсі" (Spider Dreams) атты суреті Young Photographer категориясында финалға шықты.
Үндістандық фотсуретші Анага жабайы табиғатты суретке түсіру үшін алысқа барудың қажеті жоқ екеніне сенімді. Гүлдеп тұрған өсімдікте демалып жатқан шегірткенің сюрреалистік суреті Үндістанның Бангало қаласының сырт аймағында түсірілген. Анаги Моган түсірген "Жарыққа секіру" (Hop Into The Limelight) деп аталатын сурет Young Photographer категориясында жеңді.
Окаванго өзенінің сағасына саяхаттаған кезде фотограф Панос Ласкаракис буйволдарды аулап жүрген бір топ арыстанға кезікті. Келесі түні 30 гиена арыстандардың олжасын ұрламақ болып, қызу талас-тартыс жүрді. Мына сурет келесі күні жалғыз арыстан өлексенің бірін кеміріп отырған кезде түсірілген. "Патша асы" (The King’s Feast) деп аталатын суретті Панос Ласкаракис түсірген және бұл туынды Animal Portraits категориясында жеңді.
Жыл сайын Үндістанда жылан уынан 58 000 адам көз жұмады екен. Міне, қауіпті жылан – Рассел гадюкасы әйелдер қызу еңбек етіп жатқан шақта күріш алқабы арқылы жүзіп бара жатыр. Фотограф Гнанешвара түсірген "Бөлінген жер" (This Divided Land) атты сурет Conservation Issues категориясында үздік деп танылды.
Үнді леопарды Уттаракхандтағы Корбетт жолбарыстар қорығында орнатылған суретке түсіретін аппаратты қосып жіберді. Фотограф Шиванг Мехт түсірген "Мысық серуені" (Catwalk) атты сурет Wildscape & Animals in Habitat категориясында финалға шықты.
Бұл орталық Мексика тауларындағы монарх-көбелектерден құралған алып калейдоскоп. Таудағы салқын климат кезінде биік ағаштың бұталары жылы температура бөліп, бой жылытады. Лакшита Карунаратна түсірген "Демалып жатқан монарх" (The Resting Monarch) суреті Wildscape & Animals in Habitat категориясында үздік деп танылды.
Дәуіт – буын аяқтылардың көп түрін қорек ететін және тұтқиылдан тап беруге дағдыланған ерекше жыртқыш. "Мұрын мен құйрық диетасы" (Nose-to-Tail Diet) деп аталатын Шувама Садхухана түсірген сурет Animal Behaviour категориясында жеңімпаз атанды.
Фотограф Мұхаммед Мурад Кувейттегі араб түлкілерін екі ай бойы бақылаған. Бастапқыда қатты үріккен түлкілер жиі келетін фотографқа бой үйрете бастаған. "Қала шамдары" (City Lights) деп аталатын суретті фотограф Мұхаммед Мурад түсірген. Бұл туынды Animal Portraits категориясында жеңді.
Құрылыс жұмыстары жүріп жатқан аймақтағы жалғыз ұзын тұмсықты қолтырауын тіршілік ортасы қаншалықты өзгеріп жатқанын айшықтап тұр. Қазіргі уақытта оларды бастапқы таралу аймағынан небәрі екі процент деңгейінде кездестіруге болады. Тіршілік ортасының нашарлауы, бағалы терісі мен дәрі-дәрмек дайындау мақсатында аңшылар қақпанына түсуі қолтырауынның осы түрі жойылып кету қаупін тудырып отыр. Фотограф Махисин Хан түсірген "Қоныс аударылған" (Evicted) Conservation Issues категориясында жеңді.
Ұйықтап жатқан ұрғашы леопард Малабар алып тиінінің дауысынан оянды. Кеміргішті байқаған жыртқыш тап беріп, оны ағаш бойымен қуа жөнелді де, ақыры қолға түсірді. Жалпы леопардтар бір ағаштан екіншісіне оңай секіре алады. Фотограф Приянка Рахут Митраның "Tag, You Are It!" деп аталатын суреті Animal Behaviour категорииясында жеңді.
