НҰР-СҰЛТАН, 23 қараша – Sputnik. Ақтөбеде өртенген гараж ішінен адам мәйіті табылды, деп хабарлайды Polisia.kz.
22 қарашасында 00:05-те Ақтөбе қаласы полиция басқармасының “102” пультіне Асау-Барақ көшесіндегі жеке үйлердің бірінде гараждың өртенгені туралы хабарлама келіп түсті.
"Оқиға болған жерге келген өрт сөндірушілер гаражды сөндіру кезінде 59 жастағы үй иесінің мәйітін тапты", - делінген ақпаратта.
Өрт жылытқыш құрылғыдан шыққан деген болжам бар. Қазіргі уақытта тиісті сараптама жасалып жатыр.
