Әлем

Қалыңдығы байқап қалған: мәйітханада жеті сағат жатқан ер адам тіріліп кетті

© Photo : CC0 / cm_dasilvaСолнечный свет на руке
Солнечный свет на руке - Sputnik Қазақстан, 1920, 21.11.2021
Жазылу
Жәбірленуші мәйітханадағы мұздатқышта жеті сағат жатқанына қарамастан аман қалды

НҰР-СҰЛТАН, 21 қараша – Sputnik. Үндістанның Морадабад қаласында 40 жастағы ер адамды мотоцикл қағып кетті. Дәрігерлер оның өлгенін айтып, "мәйітті" мәйітханаға жіберген.

Ер адамды сойып тексеруге туыстары келісім берген. Шрикеш Кумардың мұздатқышта жатқанына жеті сағат өткен кезде "марқұмның" қалыңдығы оның тыныс алып жатқанын байқап қалған, деп хабарлады РИА Новости.

Жедел жәрдем қызметкерінің айтуынша, түнгі сағат үш шамасында ер адамды бірнеше рет тексерген, алайда жүрегі соқпаған.

"Осыдан кейін ол өлгендер қатарына жатқызылған, бірақ таңертең полиция мен отбасы оның тірі екенін анықтады. Тергеу жүргізіліп жатыр. Енді біздің басты міндетіміз – оның өмірін сақтап қалу", - деді қаланың бас дәрігері Шив Сингх.

Қазір Кумар Мирут қаласындағы медицина орталығында емделіп жатыр, оның жағдайы жақсарды. Қалыңдығының айтуынша, науқас әлі есін жиған жоқ. Ол Кумардың отбасы салғырттық танытқан дәрігерлердің үстінен шағым түсіруге шешім қабылдағанын хабарлады.

Оқи отырыңыз:

Жаңалықтар
0