АЛМАТЫ, 19 қараша – Sputnik. Нұр-Сұлтандағы "Нұр Астана" мешіті атауы ойшыл ғалым Әбу Насыр әл-Фарабидің құрметіне ауыстырылды, деп хабарлады ҚМДБ баспасөз қызметі.
Мешіттің атауын өзгерту туралы ұсыныс ғалымдар кеңесінен түскен.
"ҚМДБ бөлім басшылары, облыс имамдары мен орталық аппарат қызметкерлері мешіттің атауын өзгертуге қатысты дауыс берді. Нәтижесінде 15 жылдық тарихы бар мешіт енді ойшыл, ғалым Abu Nasr al-Farabi есімімен аталады деген шешім қабылданды", - деді Нұр-Сұлтанның бас имамы Ерболат Жүсіпов.
"Нұр Астана" мешіті 2005 жылы 22 наурызда Наурыз мейрамына орай ашылды. Ол "Әзірет Сұлтан" мешіті ашылғанға дейін Қазақстан мен Орталық Азиядағы ең үлкен мешіт болды.
Мешіттің жалпы ауданы – 3 930 шаршы метр, ал негізгі күмбездің биіктігі – 43 метр. Сондай-ақ биіктігі 62 метр болатын төрт мұнарасы бар. Мешітке 5000 адам сыйады.
Әл-Фараби – философ, математик, Шығыс ғалымы. Ол ортағасырлық шығыс философиясының ірі өкілдерінің бірі.
Оның еңбектері Ибн Сина, Ибн Баджа, Ибн Туфайл, Ибн Рушдқа, сондай-ақ ортағасырлық Батыс Еуропаның философиясы мен ғылымына әсер етті.
