Экономика

Сенаторлар елдің сыртқы қарызына қатысты алаңдаушылық білдірді

© Sputnik / Абзал КалиевДеньги, тенге, купюры, банкноты
Деньги, тенге, купюры, банкноты  - Sputnik Қазақстан, 1920, 18.11.2021
Жазылу
НовостиTelegram
Алдағы бес жылда мемлекеттің сыртқы қарызы екі есеге өседі деген болжам бар. 2022 жылы оның ішкі жалпы өнімге шаққандағы көрсеткіші небәрі 0,3 процентке төмендейді

НҰР-СҰЛТАН, 18 қараша – Sputnik. Сенаторлар үш жылдық бюджетте елдің қаржылық тұрақтылығына қауіп төндіретін негізгі мәселені атады, деп хабарлайды Sputnik Қазақстан тілшісі.

Депутат Ольга Перепечинаның айтуынша, алдағы бес жылда мемлекеттің сыртқы қарызы екі есеге өседі деген болжам бар. 2022 жылы оның ішкі жалпы өнімге шаққандағы көрсеткіші небәрі 0,3 процентке төмендеп, 31,3 процентті құрайды.

"Дегенмен үкімет мұны қауіп ретінде қарастырып отырған жоқ. Себебі ұлттық жоспарда мемлекеттік қарыздың ішкі жалпы өнімге шаққандағы көлемі 50 процентке дейін көтерілді. Бірақ экономикамыз әлі күнге дейін шикізатқа тәуелді. Сыртқы нарықтардың құбылмалы болуы тағы бар. Әлемдік экономика тұрақты емес. Бұның барлығы кері әсерін тигізуі мүмкін", - деді Перепечина сенаттың жалпы отырысында.

Оның сөзіне қарағанда, қосымша шығындар болса, сыртқы қарызды төлеу қиын. Қазір оған 958 миллиард теңге жұмсалса, 2024 жылға дейін 1,5 триллион теңге кетеді. Үкімет қарызын өтеуге де біраз ақша жұмсалады. Келесіде оған кететін ақшаның көлемі 15 проценттік лимиттен асып, 22,8 процентке дейін жетеді.

"Бұдан бөлек, мемлекеттік емес займдарды өтеуге кететін қаржының көлемі 5 есеге өсіп отыр. Борышкерлердің жағдайы қиындаса, бюджетке салмақ түседі", - деп атап көрсетті Перепечина.

Жаңалықтар
0