НҰР-СҰЛТАН, 15 қараша – Sputnik. Степногордегі Бөгенбай батыр атындағы дарынды балаларға арналған мектеп-интернатында болған оқиғадан кейін осы мекеменің басшысы қызметінен босатылды, деп хабарлайды Sputnik Қазақстан.
Желіде тараған видеодан кейін Ақмола облысы әкімі Ермек Маржықпаев Степногор қаласына барып, шұғыл кеңес өткізді. Сол жерде Бөгенбай батыр атындағы дарынды балаларға арналған спорт мектеп-интернатының директоры Тұрсынбай Тоққожиновты жұмыстан босату туралы шешім қабылданды.
Ал облыстық денешынықтыру және сопрт басқармасының жетекшісі Әсет Бүкібаевқа қатаң сөгіс жарияланды.
Посмотреть эту публикацию в Instagram
Бұдан бөлек, Степногор қаласы әкіміне оның орынбасары Гүлнәз Әбілованы тәртіптік жазаға тарту ұсынысы енгізілді. Ол осы салаға жауап береді. Сондай-ақ кәмелет жасқа толмағандардың құқықтарын қорғау жөніндегі комиссияны басқарады.
Шұғыл жиын кезінде мектеп-интернатында болған оқиғаның мән-жайы да жарияланды.
21 қазанда 8-сынып оқушылары жатақханада өздерін бір класс төмен оқып жүрген балаларды соққыға жыққан. Біреуі бәрін видеоға түсірген.
Алайда білім беру мекемесінің басшылығы құқық қорғау органдары мен кәмелеттік жасқа толмағандардың істері жөніндегі комиссияға есеп бермеген. Осылайша, тиісті органдарға хабар беру тәртібі бұзылды.
Артынан видео ата-аналар чатында тарады. Сөйтіп, 12 қарашада жергілікті пабликте жарияланды. Келесі күні кәмелеттік жасқа толмағандардың істері жөніндегі комиссияның шұғыл отырысы өтті.
Посмотреть эту публикацию в Instagram
Ал Ақмола облыстық полиция департаменті Қылмыстық кодекстің 141-бабы (Балалардың өмiрi мен денсаулығының қауiпсiздiгiн қамтамасыз ету жөнiндегi мiндеттердi тиісінше орындамау) және 194-бабы, 2-тармағы (Қорқытып алу, адамдар тобының алдын ала сөз байласуымен) бойынша сотқа дейінгі тергеуді бастады.
Оқи отырыңыз:
"Көгертпей ұрады": Батыс Қазақстан тұрғыны мектептегі әлімжеттік туралы айтты
Дәретханада ақша талап еткен: Түркістанда таяқ жеген 5-сынып оқушысы көз жұмды
