Желіде Spot ит-роботтар The Rolling Stones музыканттарына ұқсас билеген видео тарады. 1981 жылы шыққан Start Me Up әні таңдалған.
Tattoo You The Rolling Stones тобының он алтыншы британдық және он сегізінші америкалық студиялық альбомы болды. Start Me Up - топтың ең танымал әні, Құрама Штаттар чартында екінші орынға дейін жеткен.
Boston Dynamics компаниясы клиптің өз нұсқасын жасады. Бір терезеде әйгілі музыканттар клипі болса, екіншісінде роботтар билейді. Жаңа видео Spot Me Up деп аталды. The Rolling Stones лейблымен бірге жасалған. Жаңа туынды альбомның мерейтойына орай шығарылды.
