Қоғам

Қарағанды облысында әйел 35 жыл бойы көрмеген ұлымен қауышты

© Sputnik / Valeriy Melnikov / Медиабанкке өтуАрхивтегі сурет
Архивтегі сурет - Sputnik Қазақстан, 1920, 08.11.2021
Жазылу
Ауыл тұрғыны қызы қайтыс болғаннан кейін үй-күйсіз далада қалған. Полиция әйелге 35 жыл бойы көрмеген ұлын табуға көмектесті

НҰР-СҰЛТАН, 8 қараша – Sputnik. Қарағанды облысында ауыл тұрғыны 35 жыл бойы көрмеген ұлымен кездесті. Бұл туралы Бұқар жырау ауданы полиция басқармасы әйелдерді зорлық-зомбылықтан қорғау тобының аға инспекторы Гүлдана Үмітбаева айтты.

Үмітбаева танымал "Жди меня" бағдарламасының кезекті сюжетіне арқау бола алатын оқиғаны бөлісті.

© Photo : Polisia.kzПолиция ауыл тұрғынына 35 жыл бойы көрмеген ұлын табуға көмектесті
Қарағанды облысында әйел 35 жыл бойы көрмеген ұлымен қауышты - Sputnik Қазақстан, 1920, 08.11.2021
Полиция ауыл тұрғынына 35 жыл бойы көрмеген ұлын табуға көмектесті

Айтуынша, былтыр "Учаске" жедел профилактикалық шарасын өткізу кезінде ол Тұзды ауылында тұратын Галина Румянцеваны тапқан. 60 жастағы әйелдің еш құжаты болмапты, сол себепті зейнетақы ала алмай жүрген. Қарт әйел ешқайда жұмыс істемейтін және ішімдікке әуес қызымен бірге тұрған. Полиция отбасыны есепке қойып, бақылауға алған.

Зейнеткер әйелдің қызы қайтыс болғаннан кейін, Галина Михайловна үй-күйсіз далада қалды.

"Оның құжаттарын реттеу үшін біз Галина Михайловнаны Қушоқы ауылының дағдарыс орталығына орналастырдық. Әйел туыстарын іздеді, маған ұлы бар екенін айтты. Бірақ ол баласы жеті жаста болғанда оны тастап кетіп, тұрмысқа шыққан. Сөйтіп баласымен байланысын үзген. Осыдан кейін мен зейнеткердің ұлы Сергей Румянцевті іздестіре бастадым",- деп келтірді Үмітбаеваның сөзін Polisia.kz.

Гүлдана Үмітбаева ер адам Қостанай облысы Придорожное ауылында тұрып жатқанын анықтады. Галина Михайловна 35 жыл ішінде алғаш рет WhatsApp арқылы ұлымен сөйлесті. Ұзақ жылдардан кейін баласымен табысқан ана көңілі босап, жылап жіберді.

Сергей Румянцев Бұқар жырау ауданына келіп, анасын өз үйіне алып кетті.

Жаңалықтар
0