Саясат

Тоқаев қорғаныс министріне тапсырма берді

© Photo : Официальный сайт министерства обороны Республики КазахстанПодразделения министерства обороны ликвидируют боеприпасы
Подразделения министерства обороны ликвидируют  боеприпасы - Sputnik Қазақстан, 1920, 02.11.2021
Жазылу
Yandex newsTelegram
Бектанов президентке Қарулы күштердің биыл атқарған қызметі, оның ішінде армияны техникалық тұрғыдан қайта жарақтандыру барысы туралы баяндады

АЛМАТЫ, 2 қараша – Sputnik. Мемлекет басшысы Қасым-Жомарт Тоқаев қорғаныс министрі Мұрат Бектановты қабылдады, деп хабарлады Ақорда.

Қорғаныс министрі президентке Қарулы күштердің биыл атқарған қызметі, оның ішінде армияны техникалық тұрғыдан қайта жарақтандыру барысы туралы баяндады.

Сондай-ақ мемлекеттің әскери қауіпсіздігін қамтамасыз етуге және әскердің 2030 жылға дейінгі құрылымын қалыптастыруға бағытталған негізгі құжаттарға қатысты жұмыстардың аяқталғаны жөнінде мәлімдеді.

Кездесу барысында "Қауіпсіз ел" ұлттық жобасының әзірленуі және бекітілуі жайында айтылды. Бұл құжат шетелден қару-жарақ пен техника сатып алуға ғана емес, сондай-ақ отандық қару-жарақ үлгілерін әзірлеуге, инфрақұрылымды жетілдіруге, әскерді цифрландыруға байланысты міндеттерді шешуге мүмкіндік береді.

Мұрат Бектановтың айтуынша, ұлттық жобаның негізгі мақсаты – азаматтар мен мемлекеттің қауіпсіздігін қамтамасыз ету.

Қорғаныс министрі президентке қару-жарақ пен оқ-дәрілердің қауіпсіз сақталуын қамтамасыз ету шаралары туралы және Қарулы күштердің заманауи сын-тегеуріндер мен қауіп-қатерлерге төтеп беруге әзірлігі жөнінде есеп берді.

Сонымен қатар Мұрат Бектанов Жоғарғы Бас қолбасшыға Қазақстан халқына арналған жолдауды іске асыру жөніндегі жалпыұлттық жоспардың орындалуы туралы баяндады. Сондай-ақ әскери доктринаны қайта қарауға және экономиканың нақты секторындағы сұранысқа ие мамандықтарды мерзімді қызметтегі сарбаздардың меңгеруіне қатысты мәселелерге жан-жақты тоқталды.

Кездесу соңында президент еліміздің қорғаныс қабілетін одан әрі арттыруға бағытталған бірқатар тапсырма берді.

Жаңалықтар
0