Сегіз жасар қазақстандық әлемдік сұлулық байқауында жеңіске жетті – фото

АЛМАТЫ, 2 қараша – Sputnik. Қазақстандық Мәриям Ишанғалиева Сочиде өткен "Супермодель – 2021" жас модельдер байқауында гран-при алды, деп хабарлайды Sputnik Қазақстан.

Мәриям небәрі сегіз жаста. Ол байқауға Атырау облысы Көптоғай ауылынан барған. Байқауға 25 елден келген қыздар қатысты.

Байқаудың ақтық кезеңі үш турдан тұрды: визит карточкасы, дефиле және шығармашылық. Мәриям байқау кезінде "Адай" күйін қосып, ұлттық киіммен сахнаға шықты. Осылайша қазылар алқасы Мәриямды жас модельдер байқауының жеңімпазы атына лайық деп таныды.

Мәриям Ишанғалиева – Сәбит Мұқанов атындағы орта мектептің 3-сынып оқушысы. Қыз бұған дейін де қазақстандық байқауларда бақ сынаған, бірқатар жеңісі де бар.

Оқи отырыңыз: 

• Елден ерек сұлулық: көздерінің түсі екі түрлі әлем жұлдыздары – фото
• Әйелінің сұлулығы себеп болды: спортшы күтпеген жерден жұмыссыз қалды – фото
• Қазақ қызы АҚШ-та өткен сұлулық байқауында жеңіске жетті – фото