НҰР-СҰЛТАН, 1 қараша – Sputnik. WhatsApp мессенджері 1 қарашадан бастап 4.1 Android және 10 iOS нұсқасынан төмен ескі телефондарда жұмыс істемейтін болды.
Өзгерістер туралы WhatsApp ресми сайтында жариялады.
Ондағы мәліметке сәйкес, 1 қарашадан бастап қосымша Android смартфондарында операциялық жүйесі 4.1-тен төмен емес және iPhone iOS 10-нан жоғары модельдерден бастап жұмыс істейді.
Одан ескі гаджеттерді WhatsApp бағдарламалық қамтамасыз етуден бас тартты, деп хабарлады РИА Новости/Прайм.
Компания мессенджердің мұндай нұсқадаға смартфондарда жұмыс істемеуінің себебін олардың техникалық эксплуатация мерзімінің өтіп кеткендігімен түсіндіреді.
Сайт мәліметінше, олардың процессорының қуаты көптеген жаңа бағдарламаларды жүктеуге қауқарсыз әрі аккумуляторы әлсіз.
