Видео

Әуе қорғанысы: Қарағандыда зениттік зымыран кешені сынақтан өтті – видео

Жазылу
Yandex newsTelegram
Қарағанды облысындағы "Сарышаған" полигонында күрделі жөндеуден және жаңғыртудан өткен С-300ПС зениттік зымыран кешендерінен атудың қорытынды сынағы жүзеге асырылды

Зымырандарды ұшыруды әуе шабуылына қарсы қорғаныс әскери бөлімдерінің жауынгерлік есептоптары жүзеге асырды.  Күндізгі және түнгі уақыттарда баллистикалық зымырандарды имитациялау арқылы әуе нысаналарына оқ атулар жүргізілді.

"Бүгінгі күні біз кешендерді қабылдауды аяқтаймыз, техника әскерлерге жіберіліп, олар мемлекеттің әуе шебін күзетуде жауынгерлік кезекшілік атқаратын болады", – деді Әуе қорғанысы күштерінің бас қолбасшысы авиация генерал-лейтенанты Нұрлан Орманбетов.

Оларды қабылдауға зымырандарды іс жүзінде ұшыру барысында қосымша тәжірибе жинақтайтын жауынгерлік есептоптар жұмылдырылды.

Зениттік зымыран кешендері әуе кеңістігін қорғауда жауынгерлік кезекшілік атқару үшін Әуе қорғанысы күштерінің әскери бөлімдеріне берілетін болады.

С-300ПС зениттік зымыран кешені әлемдегі ең қуатты әуе шабуылына қарсы қорғаныс жүйелерінің бірі саналады. Жоғары дәлдіктегі қаруды қолдана отырып олар әуе шебін жаппай шабуылдан қорғауды қамтамасыз етеді.

Жаңалықтар
0