22 жасында көпбалалы ана атанды: Түркістанда дүниеге үшем келді - фото

НҰР-СҰЛТАН, 25 қазан – Sputnik. Түркістан облысының 22 жастағы тұрғыны дүниеге үшем әкеліп, көп балалы ана атанды.  

22 жастағы Гулмира Мирзаева № 2 облыстық перинаталдық орталығында үш қыз босанды.

"Жаңа туған нәрестелерге Фотима, Зухра, Хадиса есімдері берілді. Нәрестелердің салмағы 2200 гр, 2310гр, 1980 гр болған", - деп хабарлады облыс әкімдігінің баспасөз қызметі.

Мерзімінен ерте туылған үшемдер периниталдық орталық дәрігерлерінің бақылауына алынған. Медицина қызметкерлерінің көмегімен балалардың жағдайы тұрақты, үшемдер перзентханадан шығуға әзір.

Айта кетері, үшем дүниеге келген отбасының ұлы мен қызы бар. Көпбалалы ана үй шаруасында отырған әйел. Ал, отағасы жеке кәсіпкер. 

Оқи отырыңыз: 

• Он жыл күткен: Шымкентте үшем дүниеге келді
• 25 жасында көпбалалы ана атанды: Маңғыстауда төртем дүниеге келді