Білім

Жақында байқау басталады: үздік оқытушыға 6 млн теңге беріледі

CC0 / Alexas_Fotos / ер адам
ер адам - Sputnik Қазақстан, 1920, 25.10.2021
Жазылу
Yandex newsTelegram
Байқауға қатысу үшін құжаттарды қабылдау 1 қарашадан басталып, 15 қарашаға дейін жалғасады

АЛМАТЫ, 25 қазан – Sputnik. "Жоғары оқу орнының үздік оқытушысы – 2021" республикалық байқауының жеңімпазы 6 миллион теңге шамасында сыйақы алады, деп хабарлады білім және ғылым министрлігінің баспасөз қызметі.

Байқауға қатысу үшін құжаттарды қабылдау 1 қарашадан басталып, 15 қарашаға дейін жалғасады.

Байқауға жоғары оқу орындарының штаттағы оқытушылары қатыса алады. Олардың үздіксіз ғылыми-педагогикалық өтілі кемінде – 5 жыл, оқытушылық және ғылыми қызметте жоғары жетістіктері бар маман қатысады.

"Байқаудың мақсаты – оқытушы мамандығының беделін арттыру және жоғары оқу орындары оқытушыларын кәсіби тұрғыда одан әрі дамуына ынталандыру", - деп хабарлады министрлік.

Байқау 2 кезеңнен тұрады. Алдымен жоғары оқу орнының ішінде, кейін республикалық деңгейде өтеді.

"Байқауға қатысу үшін өтінім мен құжаттар universitycontest.iac.kz ақпараттық жүйесі арқылы электрондық форматта қабылданады. Жоғары оқу орындарының қызметкерлері мен профессорлық-оқытушылар құрамынан тұратын сарапшылар тобы келіп түскен барлық құжатты тексереді. Сараптау тобының қорытындысы негізінде ЖОО комиссиясы конкурсқа қатысушылардың екінші республикалық кезеңге қатысуы туралы шешім шығарады", - деді жоғары және жоғары оқу орнынан кейінгі білім департаментінің директоры Әділет Тойбаев.

Республикалық деңгейде құрылған комиссия құрамына үкіметтік емес ұйымдар, БАҚ, студенттік және жастар ұйымдары, ЖОО қауымдастықтарының өкілдері мен сарапшылар кірді.

Оқи отырыңыз: 

Жаңалықтар
0