НҰР-СҰЛТАН, 18 қазан — Sputnik. Мемлекет басшысы Қасым-Жомарт Тоқаев Қарағанды облысына жұмыс сапары аясында Ұлытау ауданындағы "Жошы хан" тарихи-мәдени кешенін аралап көрді.
Президентке Жошы хан кесенесі, мұражай, Жошы хан ескерткіші, жорық шатыры және қонақ үйден тұратын кешеннің заманауи технологиялық мүмкіндіктері мен қордағы құнды жәдігерлер таныстырылды.
Мемлекет басшысы қасиетті тарихи нысанның үнемі ғалымдардың назарында болып, ғылыми айналымға түсуі керек екеніне баса мән берді.
"Келесі жылы шетелдің және еліміздің белгілі ғалымдарын шақырып, Алтын Ордаға байланысты үлкен халықаралық конференция өткізу керек", – деді Қасым-Жомарт Тоқаев.
Облыс әкімі Жеңіс Қасымбек өңірдің туристік әлеуеті туралы баяндама жасап, Президентке курорттық аймақтар мен тарихи-мәдени кешендерді дамыту жоспарын ұсынды. Жоспарға сәйкес Ұлытау, Қарқаралы аудандарының, Балқаш қаласының туризм саласындағы әлеуеті артып, сервистік және туристік инфрақұрылымдары дамитын болады.
Оқи отырыңыз:
- Алтын Орданың 750 жылдығы: Жошы ұлысының тарихы
- Ілияс Есенберлиннің кеңес үкіметі кезінде тыйым салынған романы жарық көрді
- Президент отандық телеарналарға тарихи фильмдер түсіруді тапсырды
