НҰР-СҰЛТАН, 9 қазан – Sputnik. 2019 жылы "Славян базары" байқауында гран-при иегері атанып, Димаш Құдайбергеннің жетістігін қайталаған қазақстандық әнші Әділхан Макин "Ресей дауысы" жобасында қазылар алқасы мен көрермендерді таңғалдырды, деп хабарлайды Sputnik Қазақстан.
"Мен Димаштан кейін ештеңеге таңғалмайтын болдым. Ал бүгін сен мені таңғалдырдың. Жоғарғы регистрде тенор, орта регистрде баритон, төменгі регистрде төменгі бас секілді шырқайсың. Бұл өте сирек кездесетін жағдай", - деп атап өтті Градский.
Әділхан Макин байқаудағы өзінің тәлімгері ретінде Александр Градскийді таңдады.
Әділхан Макин туралы не білеміз
Әділхан Макин 1994 жылдың 5 қазанында Петропавл қаласында туған. Оның музыкалық таланты бала күнінен байқала бастайды. Т. Жүргенов атындағы Қазақ ұлттық өнер академиясында "Эстрадалық вокал" мамандығы бойынша білім алды.
![Димаштың жетістігін қайталаған әнші Дауыс жобасында жұртты таңғалдырды - видео Димаштың жетістігін қайталаған әнші Дауыс жобасында жұртты таңғалдырды - видео - Sputnik Қазақстан, 1920, 09.10.2021](https://sputnik.kz/img/1094/65/10946589_0:0:1418:737_1920x0_80_0_0_44fd8fae35ae10fcdd84eb7de9c7b953.jpg)
Әнші Болгарияда поп-рок орындаушылар арасында өткен "Сарандев 2019" халықаралық жастар байқауында бірінші орын иеленген. Бұдан бөлек, 2018 жылы X Factor тележобасына қатысып, финалға дейін жетті.
Оқи отырыңыз: Әділхан Макин туралы қызықты деректер
Әділхан – Димаш Құдайбергеннен кейін "Славян базары" халықаралық байқауында жеңіске жеткен екінші қазақстандық. 2015 жылы Димаш бас жүлдені иеленіп, қазақ елінің мерейін асырған еді.
Димаш пен Әділхан құрдас, алғаш 2012 жылы "Жас қанат" байқауында танысқан. Сол жылы байқауда Димаш жеңімпаз атанды.