НҰР-СҰЛТАН, 7 қазан – Sputnik. Дымқыл майлықтың несімен қауіпті екенін "Москва 24" телеарнасына дәрігер-терапевт Татьяна Романенко айтып берді.
Оның айтуынша, мұндай майлық құрамында пайдалы микрофлораны жоятын заттар бар. Сондықтан тері жұқарып, жара пайда болады. Салдарынан иммунитет әлсіреп, ағзаның вирустарға төтеп беру қызметі әлсірейді.
"Дымқыл майлықты қол жууға мүмкіндік болмаған кезде ғана қолдану керек", - деді дәрігер.
Сондай-ақ ол майлықты қол сүртуге емес, бетке де қолданатындар бар екенін жеткізді. Бұл да қателік болып саналады.
Техникаға арналған майлық теріні тітіркендіріп, аллергиялық реакция тудырады. Ол, тіпті, репродуктивті функцияға әсер етуі мүмкін.
Дәрігер адамдар өнімнің жарамдылық мерзіміне мән бермейді деп отыр. Ашық майлықта қауіпті микро ағзалар пайда болады.
Маман қол жуудың маңыздылығын атап өтті. Өйткені майлық кірді толықтай кетіре алмайды.
