НҰР-СҰЛТАН, 29 қыркүйек – Sputnik. Алматыда нормативті мерзім бойынша жылу беру маусымы 15 қазанда басталады, алайда күн салқындап кетсе, жылу ертерек берілуі мүмкін. Бұл туралы қалалық энерготиімділік және инфрақұрылымдық даму басқармасының басшысы Евгений Па Akimat LIVE бағдарламасының тікелей эфирінде айтты, деп хабарлады "Алматы" телеарнасы.
Жылыту маусымы басталғанда әдетте ең алдымен әлеуметтік нысандарға, оның ішінде мектептер мен мектепке дейінгі оқыту нысандарына, білім беру орындарына жылу қосылады. Содан соң көпқабатты тұрғын үйлерге жылу беріледі. Одан кейін өзге нысандардың бәріне беріледі.
"Нормативті мерзім бойынша қалада жылу 15 қазанда беріледі. Алайда егер ауаның орташа тәуліктік температурасы 5 күн қатарынан +8 градус және одан төмен болса, 15 қазанды күтпейміз. Күн күрт суып кеткен жағдайда бірден жылу қосамыз", – деді Евгений Пак.
Басқарма басшысы қала жылыту маусымына 100% дайын екенін атап өтті.
Оқи отырыңыз:
- Алматыда қазандықтар жылу беру маусымына дайын ба
- Нұр-Сұлтанда жылу беріле бастады
- Жылу беру маусымы: өңірлерде көмір бағасы қанша теңге болады
