НҰР-СҰЛТАН, 17 қыркүйек – Sputnik. Талантты спортшы, ауыр атлет Альберт Линдер өмірден озды, деп хабарлайды Қазақстанның ауыр атлетика федерациясы.
Линдер жасөспірімдер арасындағы әлем чемпионы және Азия чемпионы болған. Универсиадада жеңімпаз атанып қана қоймай, рекордқа да қол жеткізді.
"Қазақстанның бірнеше дүркін чемпионы Альберт табандылық, тәртіп пен өз ісіне деген адалдықтың арқасында үлкен жетістіктерге жетуге болатынын көрсете білді. Қазақстанның ауыр атлетика федерациясының ұжымы спортшының жақындары мен туған-туыстарының қайғысына ортақтасып, көңіл айтады", - делінген ресми хабарламада.
Альберт Линдер 25 жаста болған.
Федерация спортшының отбасы мен жақындарына көңіл айтты. Ауыр атлеттің көз жұмуына не себеп болғаны белгісіз.
Спортшының жетістіктері
Альберт Линдер 1996 жылы 13 қаңтарда Талдықорған қаласында дүниеге келген. 2017 жылы 24 жасында Ашхабад қаласында өткен Азия чемпионатында топ жарды. Одан кейін тамыз айындағы Универсиадада 69 келі салмақ дәрежесінде алтыннан алқа тақты. Сол кезде Линдер үш мүмкіндіктің екеуін ғана пайдаланып, чемпион атанды. Спортшының бапкері – Сергей Седов.
