НҰР-СҰЛТАН, 14 қыркүйек – Sputnik. Қазақстандықтар 5G технологиясы қатерлі ісік пен аутизм тудыратындықтан, жаңашылдықпен күресуге шақырады. Бұл жалған ақпарат, деп жазады Stopfake.kz.
"5G технологиясы – 24 ГГц және одан жоғары диапазонда жұмыс істейтін ұялы байланыстың жаңа форматы. Бұл жаңа толқындардың немесе сәулеленудің түрі емес. Wi-Fi технологиялары, полиция радарлары, жерге жақын кейбір жерсеріктер сынды толқындарда жұмыс істейді", - деп жазылған ақпаратта.
Технология жаңа типтегі толқындардың немесе олардың бұрын-соңды қолданылмай келген жиілігінің емес, Massive MIMO және Beam Forming технологияларының арқасында жылдамдығы жоғары интернетпен қамтамасыз ете алады.
Түрлі елде тәуелсіз ғалымдар технологияның қауіпсіздігі бойынша зерттеулер жүргізген. Мамандар 5G қатерлі ісік және аутизм сияқты дерт арасында байланыс анықтаған жоқ.
Австралия онкологиялық кеңесінің сайтында 5G технологиясын енгізудің азаматтар арасында онкологиялық аурулардың дамуына әсер ету ықтималдығы өте төмен екені айтылған.
5G желілері аутизмді тудыруы мүмкін деген теория 2019 жылдан бері теріске шығарылып келеді. Бүгінгі таңда аутизмнің дамуының нақты себептері толық зерттелмеген, бірақ рецензияланған беделді ғылыми зерттеулердің ешқайсысы 5G технологиясы мен аурудың арасында байланыс барын анықтай алмады.
