Елорда тынысы

Елордада телефонға телміріп жүретіндер үшін ерекше бағдаршам орнатылды

© Photo : ПС акимата Нур-СултанаНұр-Сұлтанда смартфон қолданушыларына арналған бағдаршам пайда болды
Нұр-Сұлтанда смартфон қолданушыларына арналған бағдаршам пайда болды - Sputnik Қазақстан, 1920, 10.09.2021
Жазылу
Yandex newsTelegram
Бағдаршамның қызыл жарығы тротуарға да түсіп, жаяу жүргіншілердің смартфонының дисплейіне шағылысатын болады

НҰР-СҰЛТАН, 10 қыркүйек – Sputnik. Нұр-Сұлтанда алғаш рет жол қозғалысын реттейтін инновациялық құралдарды тестілеу басталды. Бұл туралы қала әкімдігінің баспасөз қызметі хабарлады.

Қала қиылыстарында жарығы бар жаяу жүргіншілер бағдаршамы қолданылады. SWARCO өндірушісінің жаңа бағдаршамы әдеттегі дыбыстық функцияны толықтыратын болады.

Енді бағдаршамның қызыл жарығы тротуарға да түседі тиісінше жаяу жүргіншілердің смартфонының дисплейіне де шағылысатын болады.

Рөлде шенеуніктің ұлы болған: Нұр-Сұлтанда жетім баланы көлік қағып кетті

Жаяу жүргіншілер бағдаршамы жерге сәуле шашу функциясын орындап қана қоймайды, сонымен қатар екі көзі телефонда болатын жастардың назарын аударады. Осылайша жаяу жүргіншілердің қауіпсіздігіне айтарлықтай үлес қосады.

Жаяу жүргіншілер бағдаршамының жаңа моделінде мынадай артықшылықтар бар: ымырт үйірілгенде және түнгі уақытта тротуарға қызыл жарық түсуіне байланысты бағдаршамның қызыл белгісі жақсырақ көрінеді, смартфонның дисплейіне бағдаршамның қызыл сигналы түсуі арқылы жаяу жүргіншілердің қауіпсіздігі артады және тротуардың шетінде қызыл түспен белгіленген орындардың арқасында жаяу жүргіншілерді көлік жүргізушілері жылдам байқайды.

Бағдаршамның тәжірибелік нұсқасы 9 бағдаршам объектісіне қолданылды.

  • Жеңіс даңғылы, 45;
  • Абай даңғылы – Мұражай;
  • Пушкин көшесі – ЕҰУ;
  • Мұңайтпасов көш, 16;
  •  Қорғалжын тас жолы – Думан;
  • Мәскеу көшесі – 14 мектеп;
  • Тұран даңғылы – Орталық саябақ;
  • Тәшенов көшесі – Алатау СК;
  • Жирентаев көшесі – 22 мектеп.

Бұдан бөлек дыбыстық жол көрсету жүйесі бар бағдаршамдар орнатылды. Бұл жаяу жүргіншілер, әсіресе көзі нашар көретін жұрт үшін тиімді. Осылайша, жаяу жүргіншілер өткелінің қауіпсіздік жағдайлы едәуір артады.

Мұндай бағдаршамдар қаланың 7 объектісінде орнатылған:

  • Қабанбай батыр даңғылы – №17 мектеп;
  • Сейфуллин мен Уәлиханов көшелерінің қиылысы;
  • Қабанбай батыр даңғылы – AIU;
  • Республика даңғылы – Жастар сарайы;
  • Бөгенбай батыр даңғылы – Уәлиханов көшесі;
  • Қабанбай батыр даңғылы – Салтанат сарайы;
  • Алаш тасжолы – Жолымбет көшесі.
Жаңалықтар
0