Экономика

Былтырғыдан жоғары: астықты сатып алу бағасы жарияланды

© Sputnik / Виталий Белоусов / Медиабанкке өтуАстық
Астық - Sputnik Қазақстан, 1920, 02.09.2021
Жазылу
НовостиTelegram
Қуаңшылыққа байланысты биыл астықтың барлығы ішкі нарыққа бекітілген баға бойынша жөнелтіледі

НҰР-СҰЛТАН, 2 қыркүйек – Sputnik. Ауыл шаруашылығы министрлігі астықты сатып алу бағасын жариялады. 

"Азық-түлік корпорациясы қазіргі нарық конъюнктурасына сәйкес нарықтық баға белгіледі, бұл ауыл шаруашылық тауарларын өндірушілерге қуаңшылық пен өнімділіктің жалпы төмендеуіне байланысты шығындарды өтеуге мүмкіндік береді. Биыл астықты сатып алу бағасы өткен жылдың сатып алу бағасынан 24% - ке жоғары", - делінген хабарламада.  

Министрлік мәліметіне сүйенсек, биыл астықтың барлық көлемі ішкі нарыққа негізгі өнімдердің бағасын тұрақтандыру мақсатында бекітілген баға бойынша ұн зауыттарына, құс және мал шаруашылықтарына жіберілетін болады.

"Азық-түлік келісім шарт корпорациясы" ұлттық компаниясы форвардтық сатып алу шарттары бойынша астықты қайтаруды қамтамасыз ету үшін келесі бағаларды жариялады:

  • 3-сыныпты бидай (дән маңызының 23%) – 103 000 теңге ҚҚС қосылған;
  • 3-сыныпты бидай (дән маңызының 25%) – 105 000 теңге ҚҚС ҚҚС қосылған;
  • 3-сыныпты бидай (дән маңызының 27%) – 107 000 теңге ҚҚС қосылған;
  • 4-сыныпты бидай - 98 000 теңге ҚҚС қосылған;
  • 5 сыныпты бидай - 90 000 теңге ҚҚС қосылған;
  • сыныпсыз бидай - 85 000 теңге ҚҚС қосылған;
  • 2 сыныпты арпа - 87 000 теңге ҚҚС қосылған.

 

Бұған дейін министрлік астық түсімі 20 процентке төмендеуі мүмкін екенін, жиналатын астық көлемі 15 миллион тонна шамасында болатынын айтқан. 

Ал егіншілер одағының болжамы тіптен көңіл көншітпейді. Олар егін шығымы биыл өткен жылғымен салыстырғанда 30 процентке төмен болады және фермерлер 10 миллион тоннаға жуық астық жинайды деп болжап отыр. 

Оқи отырыңыз: Ресейлік ғалымдар жердің шөлейттенуімен күресу әдісін ойлап тапты

 

 

Жаңалықтар
0