Қоғам

Министр Қазақстанда карантин жеңілдейтінін айтты

© Sputnik / Владислав ВодневАрхивтегі сурет
Архивтегі сурет - Sputnik Қазақстан, 1920, 01.09.2021
Жазылу
Yandex newsTelegram
Қазір денсаулық сақтау министрлігі республикада эпидемиологиялық ахуал тұрақты екенін айтып отыр. Вакциналау қарқыны өсуде

НҰР-СҰЛТАН, 1 қыркүйек – Sputnik. Қазақстанның денсаулық сақтау министрі Алексей Цой каратинді жеңілдетудің жаңа кезеңін енгізу жоспары туралы айтты.

Оның айтуынша, қазір Қазақстанда коронавирус бойынша эпидемиологиялық жағдай тұрақталып келеді.

"Күн сайын аурушаңдық көрсеткіші төмендеуде, вакциналанған адамдар саны ұлғайып жатыр. Сол себепті қазіргі уақытта біздің болжамымыз позитивті. Жалпы, жағдай жақсарып келе жатқанын байқап отырмыз, ахуал тұрақты", - деді министр Sputnik Қазақстан тілшісіне.

Сондай-ақ министр Қазақстанда вакциналау қарқыны жаман емес екенін айтты.

"Ең алдымен, бізге азаматтардың қауіпсіздігі маңызды. Ashyq-ты пайдаланып, спорт шараларын бастап жатырмыз, демалыс күндері "жасыл" статустағыларға жұмыс істеуге рұқсат еттік. Қазір басқа да секторларда осындай жеңілдіктер болады", - деп сендірді министр карантин тағы қандай жағдайда жеңілдеуі мүмкін деген сауалға жауап беріп.

Тағы оқыңыз: Нұр-Сұлтанда карантин жеңілдетілді – жаңа қаулы

Айта кетері, қазір "қызыл" аймақта Нұр-Сұлтан, Алматы, Шымкент қалалары, Ақмола, Ақтөбе, Алматы, Атырау, Батыс Қазақстан, Қарағанды, Қостанай, Қызылорда, Маңғыстау, Павлодар және Солтүстік Қазақстан облыстары тұр.

"Сары" аймақта Шығыс Қазақстан және Жамбыл облыстары орналасқан. "Жасыл" аймақта Түркістан облысы ғана.

31 тамыздағы мәлімет бойынша, Қазақстанда 6 669 969 адам вакцинаның бірінші компонентін салдырды, екінші компонентті 5 438 316 адам алды.

Жаңалықтар
0